Lis'v

Vikipedii
Jump to navigation Jump to search
Lis'v
Лысьва
Lidnanznam
Coat of Arms of Lysva (Perm krai).png
Valdkund Venäma
Eläjiden lugu (2017) 62 592 ristitud
Pind 26,4 km²
Lis'vЛысьва
Pämez' Aleksandr Gončarov
(sügüz'ku 2 017—)
Telefonkod +7-34 249-xx-xxx
Avtokod 59, 81, 159
Aigvö UTC+5 (MSK+2)


Lis'v (ven.: Лысьва, perm. komi: Лысьва кар) om Venäman lidn Permin randan päivnouzmas. Se om Lis'van lidnümbrikon administrativine keskuz (vspäi 2011).

Istorii[redaktiruida | redaktiruida purde]

Eländpunktan aluz om pandud vl 1785 sauvomha da holitamha kaugedraudvalamižtegint, nimitihe jogen mödhe. Vl 1902 raudte tuli tegimennoks i andoi torgusen edust. Žilo sai lidnan statusad vn 1926 5. päiväl sulakud.

Vl 2011 ühtenzoittihe lidnad da Lis'van rajonad lidnümbrikho. Lidn šingotase raudan metallurgijan tegimel (terasine vanund, terazlehtesiden polimerkrepind, astjad, gazkeitimed), mašiništonsauvomižen edheotandoil (turbinad, elektrolikutimed süvüdele, vedandelektrolikutimed raudteiden täht), mugažo raudbetonantegim i čulkoiden da sor'mikoiden fabrik ratas.

Geografijan andmused[redaktiruida | redaktiruida purde]

Lidn sijadase Lis'v-jogen randoil alangištos (Kam-jogen hurapol'ne bassein), 180 m ü.m.t. keskmäižel korktusel. Ühtennimine raudtestancii seižub «Perm'Alatagil»-jonol. Matkad Permin röunhasai om 86 km päivlaskmha orhal vai 155 km avtotedme. Lähembaine lidn om Čusovoi 22 km pohjoižhe orhal vai avtol.

59 küläd da žilod mülüdas lidnümbrikho Lis'van ližaks.

Eläjad[redaktiruida | redaktiruida purde]

Vn 2010 Venäman rahvahanlugemižen mödhe lidnan eläjiden lugu oli 65 918 ristitud, vl 2009 rajonanke (nüg. lidnümbrik) — 82 303 ristitud. Kaikiš suremb lidnan ristitišt oli 79 tuh. eläjid vl 1967 i 78 200 eläjad vl 1992. Nell' pühäpertid om lidnas: ortodoksižen hristanuskondan kaks' i vanhuskolaižiden jumalanpert', islaman mečet'.

Irdkosketused[redaktiruida | redaktiruida purde]



Permin randan lidnad
Aleksandrovsk | Berezniki | Čaikovskii | Čerdin' | Černušk | Čormoz | Čusovoi | Dobränk | Gornozavodsk | Gremäčinsk | Gubah | Kizel | Krasnokamsk | Krasnovišersk | Kudimkar | Kungur | Lis'v | Nitv | Očor | Ohansk | Os | Perm' | Solikamsk | Usol'je | Vereščagino