Krasnokamsk

Krasnokamsk
Краснокамск
Lidnanznam;	Flag;
Valdkund	Venäma
Eläjiden lugu (2021)	51,815 ristitud
Pind	95,8 km²
Pämez'	Julija Potapova; (keväz'ku 2016—)
Telefonkod	+7−34 273-xx-xxx
Avtokod	59, 81, 159
Aigvö	UTC+5 (MSK+2)

Krasnokamsk (ven. i perm. komi: Краснокамск) om Venäman lidn da lidnankund Permin randan keskuzpalan suves. Se om Permin päivlaskmaine kaimdailidn da Krasnokamskan rajonan administrativine keskuz.

Istorii[redaktiruida | redaktiruida purde]

Eländpunktan aluz om pandud vl 1929 kuti Bumstroi-žilo (ven.: посёлок Бумстрой) sauvomha kaikiš järedambad cellülozbumagašt kombinatad Evropas sil aigal. Kätihe žilod lidnanvuiččeks vl 1933 da nimitihe nügüdläižikš. Krasnokamsk sai lidnan statusad vl 1938.

Toižen mail'man sodan aigan Leningradan monettegim oli sirtud sihe, pästtihe ordenoid da mötalid. Ei ulotund tegimen vägevut, sen tagut sätihe mugošt tegint Moskvas-ki.

Krasnokamskan ižandusen päsarakod oma bumagan tehmine da kivivoin samine. Valdkundaližen «Goznak»-edheotandan Krasnokamskan fabrik tegeb bumagan eriližid toižendoid. Lidnan i Permin edheotandoiden sidod oma vahvad. Kävutadas valdmoid Kam-jogen randal vedamha jüguid.

Geografijan andmused[redaktiruida | redaktiruida purde]

Lidn sijadase Kam-jogen oiktal randal Permin röunan taga ani, 100 m ü.m.t. keskmäižel korktusel. Matkad Permin keskushesai om 34 km raudtel vai 35 km avtotel.

Krasnokamsk om lidnankundan üks'jäine eländpunkt.

Eläjad[redaktiruida | redaktiruida purde]

Vn 2010 Venämen rahvahanlugemižen mödhe eläjiden lugu oli 51 916 ristitud, rajonan koume nelländest. Vspäi 1959 ristitišt om 52..58 tuhad röunoiš, kaikiš suremb oli 58 tuhad eläjid vl 1987.

Ortodoksižen hristanuskondan nell' pühäpertid^[1] ratas lidnas: ph. Jekaterina Aleksandrijalaine-moknikan jumalanpert' (om saudud vll 2000−2005), kodijumalanpert' i kaks' časounäd. Islaman pühäpert' om avaitud lidnas.

Krasnokamskan politehnine tehnikum^[2] om professionaližen opendusen aluzkundaks.

Galerei[redaktiruida | redaktiruida purde]

Lidnan kodirandantedištandmuzei (2015)
Jumalanmaman «Lopmätoi Mall'»-jumalaižen časoun', vn 2015 nägu
Сellülozbumagaižen «Kama»-kombinatan kontor vl 2016
«Kedrovii dom»-adivpert' (2012, Kedrasine pert')
Kaman randird lidnas vl 2013

Homaičendad[redaktiruida | redaktiruida purde]

Irdkosketused[redaktiruida | redaktiruida purde]

Lidnan tobmuden aluzkundoiden oficialine sait (krasnokamsk.ru). (ven.)

Krasnokamsk Vikiaitas

	Permin randan lidnad
	Aleksandrovsk \| Berezniki \| Čaikovskii \| Čerdin' \| Černušk \| Čormoz \| Čusovoi \| Dobränk \| Gornozavodsk \| Gremäčinsk \| Gubah \| Kizel \| Krasnokamsk \| Krasnovišersk \| Kudimkar \| Kungur \| Lis'v \| Nitv \| Očor \| Ohansk \| Os \| Perm' \| Solikamsk \| Usol'je \| Vereščagino

[1] Krasnokamskan pühäpertid sobory.ru-saital. (ven.)

[2] Krasnokamskan politehnižen tehnikuman sait (zutt.su). (ven.)

[1]

[2]