Vereščagino

Vereščagino
Верещагино

Lidnanznam	Flag
Valdkund	Venäma
Eläjiden lugu (2023)	22,077 ristitud
Pind	21 km²
Telefonkod	+7−34 254-xx-xxx
Avtokod	59, 81, 159
Aigvö	UTC+5 (MSK+2)

Vereščagino (ven.: Вереща́гино, perm. komi: Верещагина) om Venäman lidn Permin randan päivlaskmas. Se om Vereščaginon ümbrikon (vhesai 2025 lidnümbrikon, vll 1924−2019 rajonan) administrativižeks keskuseks da palaks.

Istorii

Eländpunktan aluz om pandud vl 1898 Očerskai-raudtestancijaks, sid' Voznesenskai-raudtestancii (ven.: станция Вознесенская) «Moskv — Vladivostok»-jonol. Vl 1904 Vasilii Vereščagin-pirdai-batalist seižutihe siš Venä-Japonižhe sodaha ajaden, hänen oiktastuseks udesnimitihe-ki stancijad vn 1915 30. päiväl sulakud da volostin keskusen mödhe. Vereščagino-žilo sai lidnan statusad vn 1942 19. päiväl kezakud.

Vereščagino šingotase transportan holitusen edheotandoil. Järedad edheotandad ratas: kalorifertegim, raudbetontegim, trikotažine fabrik i plastikpakuitesen tegim.

Geografijan andmused

Vereščaginon ümbrikon sijaduz randas vn 2010 kartal

Lidn sijadase ümbrikon suviröunanno, 220 m ü.m.t. keskmäižel korktusel.

Raudte läbitab lidnad suvespäi pohjoižhe. Matkad Permišpäi om ühesakümne kilometrad päivlaskmha orhal vai 130 km avtotedme. Lähembaine lidn om Očor 24 km suvhe orhal vai avtotedme.

Tobmuz

Kaik kuz' küläd, üks' žilo da koume muite eländpunktad mülüiba lidnankundha Vereščaginon ližaks.

Sergei Čeremnih radoi lidnankundan tobmuden pämehen vn 2016 sügüz'kuspäi.

Eläjad

Vn 2010 Venäman rahvahanlugemižen mödhe lidnan eläjiden lugu oli 22 156 ristitud, lidnankundan — 23 397 ristitud, rajonan koume videndest, vn 2021 lidnan — 22 239 ristitud. Vl 2017 kaik 22 194 ristitud elihe lidnas i 23 432 ristitud kaikes lidnankundas. Kaikiš suremb lidnan ristitišt oli 24..25 tuh. eläjad vll 1989−2001 (25 200 rist. vl 2001).

Ortodoksižen hristanuskondan kaks' pühäpertid i ph. Lazarin naižjumalankodi oma avaitud, mugažo vanhuskolaižiden ph. Mikulai-čudonsädajan jumalanpert' om saudud lidnas vll 1991−1993.

Lapsiden opendusen aluzkundad oma päivkodid, keskškolad. Vereščaginon äiprofil'ne tehnikum om lidnan professionaližen opendusen aluzkundaks.

Galerei

• 
  Ph. Aleksandr Nevalaižen jumalanpert', vn 2012 nägu
• 
  Vereščagino-päraudtestancijan sauvuz vl 2012

Irdkosketused

• Lidnan da sen ümbrikon tobmuden aluzkundoiden oficialine sait (veradmgo.ru). (ven.)