Ohansk

Ohansk
Оханск
Lidnanznam;	Flag;
Valdkund	Venäma
Eläjiden lugu (2023)	6,290 ristitud
Pind	17,6 km²
Telefonkod	+7−34 279-xx-xxx
Avtokod	59, 81, 159
Aigvö	UTC+5 (MSK+2)

Ohansk (ven.: Оха́нск, perm. komi: Оханнӧй) om Venäman lidn Permin randan suvipäivlaskmas. Se om Ohanskan lidnümbrikon (edel vn 2019 vilukud — rajonan) administrativižeks keskuseks da palaks, sen üks'jäine lidn.

Istorii

Eländpunktan aluz om pandud Stroganovad-torgovanoiden pätandan mödhe vl 1547 kuti kalanpüdajiden Ohan'-slabad' . Sen nimi sündui sijaližes ven.: охань-sanaspäi «harvsil'maine verk püdamha kalad». Om lidnan statusanke vspäi 1781. Vl 1923 Ohanskan rajon oli sätud, i Ohansk kändihe sen keskusen.

Lidnan tegimišton edheotandad oma omblendfabrik (paidad, nahkkurtad, naižhalatad), leibänkombinat^[1], mecanümbriradai edheotand. Ohansk om maižanduzrajonan keskuseks. Permin universitetan biostancii sijadase lidnas tedoidamha vezivaradimen biologijad.

Geografijan andmused

Lidn sijadase Kam-jogen Votkinskan vezivaradimen (vspäi 1964) oiktal randal, 110 m ü.m.t. keskmäižel korktusel, «Kazan' — Perm'»-avtotel.

Matkad Permihesai om 60 km pohjoižpäivnouzmha orhal, 72 km avtotedme vai 126 km Kam-jogel. Toižed lähembaižed lidnad oma Očor 44 km lodeheze orhal vai 68 km avtotedme i Nitv (lähembaine raudtestancii) 25 km pohjoižhe orhal vai 48 km avtol.

Tobmuz

Ohansk oli lidnankundan üks'jäižeks eländpunktaks.

Enččen lidnankundan pämez' oli Anatolii Zavjalov vn 2013 sügüz'kuspäi.

Eläjad

Vn 2010 Venäman rahvahanlugemižen mödhe lidnan eläjiden lugu oli 7 250 ristitud, koume seičemendest rajonan ristitištos, vn 2021 — 6 430 ristitud. Kaik 7 072 eläjad oli lidnas vl 2017. Kaikiš suremb lidnan ristitišt oli 8800..9000 eläjad vozil 1992−2001 (9 tuh. rist. vll 2000 i 2001).

Ortodoksižen hristanuskondan koume pühäpertid^[2] oma kaičenus i saudud lidnas: Jumalanmaman Emäganpäivän päjumalanpert' (letihe vll 1820−1830), ph. Aleksandr Nevalaižen jumalanpert' i časoun'.

Professionaližen opendusen aluzkund om Stroganovan kolledžan (Očor-lidn) Ohanskan filial^[3].

Galerei

Korrekcine škol (2015, ende naižgimnazii)
Jumalanmaman Emäganpäivän päjumalanpert', vn 2015 nägu
Sijaližen pressan pert' (2015, ende N. Vinokurov-torgovanan pert')
Stroganovan kolledžan Ohanskan filial (2018, ende makundan ohjandusen sauvuz)
Pavel Šardakov-pirdajan kuvagalerei (2018, realižen školan istorine sauvuz)
Nevondkundaline lidnanznam (1980)

Homaičendad

Irdkosketused

Ohansk Vikiaitas

	Permin randan lidnad
	Aleksandrovsk \| Berezniki \| Čaikovskii \| Čerdin' \| Černušk \| Čormoz \| Čusovoi \| Dobränk \| Gornozavodsk \| Gremäčinsk \| Gubah \| Kizel \| Krasnokamsk \| Krasnovišersk \| Kudimkar \| Kungur \| Lis'v \| Nitv \| Očor \| Ohansk \| Os \| Perm' \| Solikamsk \| Usol'je \| Vereščagino

[1] Lidnan leibän edheotandan sait (hleb-ohansk.ucoz.ru). (ven.)

[2] Ohanskan pühäpertid sobory.ru-saital. (ven.)

[3] Ohanskan filial Stroganovan kolledžan strogankolledj.nubex.ru-saital. (ven.)

[1]

[2]

[3]