Sarapul

Vikipedii
Sarapul
Сарапул (ven. i udm.)
 Lidnanznam
Sarapul COA (Vyatka Governorate) (1781).svg
 Flag
Flag of Sarapul.svg
Valdkund Venäma
Eläjiden lugu (2021) 94,554 ristitud
Pind 88 km²
Sarapul Сарапул (ven. i udm.)
Pämez' Viktor Šestakov
(kül'mku 2020—)
Telefonkod +7−34 147-xx-xxx
Avtokod 18
Aigvö UTC+4 (MSK+1)


Sarapul (udm.: Сарапул / Сарапул кар, ven.: Сара́пул) om Venäman lidn Udmurtijan Tazovaldkundan suvipäivnouzmas. Se om tazovaldkundan koumanz' lidn eläjiden lugun mödhe, municipaližen «Sarapul-lidn»-ühtnikan üks'jäine eländpunkt.

Istorii[redaktiruida | redaktiruida purde]

Külä nügüdläiženke nimenke mainitase ezmäižen kerdan 13. voz'sadal. Mugažo oli tetab kuti Voznesenskoje-külä. Sarapul sai lidnan statusad vl 1780. Ende oli torgovanoiden lidnaks.

Sarapul šingotase elektrotehnikan, mecanümbriradmižen (pilindmaterialad, meblinlaud i mebel', pordhad, parket), söm- (likörtegim) da kebntegimišton (kengäd, nahkan tehmine) edheotandoil. Lidn om maižanduzrajonan keskuz.

Geografijan andmused[redaktiruida | redaktiruida purde]

Kam-jogen randird lidnan keskuzpalas (2019)

Lidn sijadase Kamanjogen oiktal korktal randal, 80 m ü.m.t. keskmäižel korktusel. Sarapulan rajon ümbärdab lidnad, Kambarkan rajon zavodiše ani suvipäivnouzmha. Matkad Iževskhasai om 62 km lodeheze. Lähembaine lidn om Kambark 30 km suvipäivnouzmha.

Klimat om ven kontinentaline. Voden keskmäine lämuz om +3,9 C°, kezakun-uhokun +17..+20 C°, tal'vkun-uhokun −10..−12 C°. Ekstremumad oma −39 C° i +38 C°. Paneb sadegid 575 mm vodes, enamba kezakus-elokus (60..70 mm kus), vähemba uhokus-sulakus (29..31 mm kus).

Kaik om olmas 22 territoriališt nimitadud lidnanlaptad lidnas.

Eläjad[redaktiruida | redaktiruida purde]

Vn 2010 kaiken Venäman rahvahanlugemižen mödhe eläjiden lugu oli 101 381 ristitud. Kaikiš suremb ristitišt oli läz 110 tuh. eläjid vozil 1987−1994.

Ortodoksižen hristanuskondan 14 pühäpertid[1] oma kaičenus i saudud lidnas: kahesa jumalanpertid, nell' loičendpertid i kaks' časounäd. Islaman kaks' pühäpertid oma avaitud: Keskuzline mečet' (om saudud vl 1994) i Elekond-mikrorajonan «mahallä» (kundaline) mečet'.

Edeline lidnümbrikon pämez' om Aleksandr Jessen (sügüz'ku 2015 — sügüz'ku 2020, Александр Ессен).

Galerei[redaktiruida | redaktiruida purde]

Homaičendad[redaktiruida | redaktiruida purde]

  1. Sarapulan pühäpertid sobory.ru-saital. (ven.)

Irdkosketused[redaktiruida | redaktiruida purde]



Udmurtijan Tazovaldkundan lidnad
Glazov | Iževsk | Kambark | Možg | Sarapul | Votkinsk