Kordov (lidn, Argentin)

Kordov
Córdoba
Lidnanznam;	Flag;
Valdkund	Argentin
Eläjiden lugu (2010)	1,329,604 ristitud
Pind	576 km²
Telefonkod	+54-(0)35
Aigvö	UTC−3

Sil sanal voib olda toižid znamoičendoid; miše nähta niid, tulgat tänna.

Kordov (isp.: Córdoba [ˈkoɾðoβa]) om Argentinan kahtenz' lidn eläjiden lugun mödhe. Se om Kordovan agjan administrativižeks keskuseks da palaks.

Istorii

Eländpunktan aluz om pandud vn 1573 6. päiväl heinkud.

Kordov šingotase avtosauvomižel, sodatehnikan i elektronikan pästandal, aerokosmižel sarakol.

Geografijan andmused

Lidn sijadase valdkundan i agjan keskuzpalan pohjoižes, Sikuii-jogen randal (indejine nimi, Rio Primero oficialižešti, isp.: Río Primero / Río Suquía 200 km pitte), 352..544 m korktusil, 389 m ü.m.t. keskmäižel korktusel. Matkad Buenos Airesaspäi om 700 km lodeheze.

Klimat om subtropine valdmeren. Voden keskmäine lämuz om +18,4 C°, tal'vkun-uhokun +23,2..+24,7 C°, kezakun-elokun +10,8..+13,5 C°. Ekstremumad oma −7,1 C° (heinku) i +43,7 C° (kül'mku, tal'vku). Voib panda halad sulakus-sügüz'kus. Paneb sadegid 816 mm vodes, enamba tal'vkus-uhokus (122..144 mm kus), kuiv sezon oleskeleb semendkus-elokus (7..21 mm kus). Paneb lunt harvoin lujas, paksumba ezilidnan mägitahondas.

Eläjad

Vn 2010 Argentinan rahvahanlugemižen mödhe lidnan eläjiden lugu oli 1,329,604 ristitud. Läz 1,6 mln ristitud elädas ezilidnoidenke (2010).

Kordovan nacionaline universitet^[1] radab vspäi 1613 (isp.: Universidad Nacional de Córdoba, UNC, 111 tuhad üläopenikoid vl 2014). Argentinan Tedoakademii om sätud Kordovas vl 1869 i baziruiše neciš lidnas tähäsai.

Transport

Avtobusad, trolleibusad, lidnelektrojonused i taksid oma kundaližeks transportaks lidnas. Avtobusad da jonused ühtenzoittas ezilidnoidenke i agjan tahondoidenke mugažo.

Kordovan rahvahidenkeskeine civiline lendimport^[2] Ambrosio Taravella-aeroinženeran nimed (COR / SACO, 3,5 mln passažiroid vl 2019) sijadase ühesas kilometras pohjoižhe-lodeheze lidnan keskuzpalaspäi. Tehtas reisid Suviamerikan pälidnoihe, Brazilijan lähižihe surihe lidnoihe, mugažo Argentinadme.

Homaičendad

↑ Kordovan nacionaližen universitetan sait (unc.edu.ar). (isp.) (angl.)
↑ Kordovan rahvahidenkeskeižen lendimportan lehtpoled aa2000.com.ar-saital. (isp.) (angl.)

Irdkosketused

Lidnan oficialine sait (cordoba.gob.ar). (isp.)

Kordov (lidn, Argentin) Vikiaitas

[1] Kordovan nacionaližen universitetan sait (unc.edu.ar). (isp.) (angl.)

[2] Kordovan rahvahidenkeskeižen lendimportan lehtpoled aa2000.com.ar-saital. (isp.) (angl.)

[1]

[2]