Kordov (lidn, Argentin)

Kordov
Córdoba
Lidnanznam;	Flag;
Valdkund	Argentin
Eläjiden lugu (2010)	1,329,604 ristitud
Pind	576 km²
Telefonkod	+54-(0)35
Aigvö	UTC−3

Sil sanal voib olda toižid znamoičendoid; miše nähta niid, tulgat tänna.

Lidnan kart (2009)

Kordov (isp.: Córdoba) om Argentinan kahtenz' lidn eläjiden lugun mödhe. Se om Kordovan agjan administrativine keskuz.

Istorii[redaktiruida | redaktiruida purde]

Eländpunktan aluz om pandud vn 1573 6. päiväl heinkud.

Kordov šingotase avtosauvomižel, sodatehnikan i elektronikan pästandal, aerokosmižel sarakol.

Geografijan andmused[redaktiruida | redaktiruida purde]

Lidn sijadase valdkundan keskuzpalan pohjoižes, Sikuii-jogen randal, 352..544 m korktusil, 389 m ü.m.t. keskmäižel korktusel. Matkad Buenos Airesaspäi om 700 km lodeheze.

Klimat om subtropine valdmeren. Voden keskmäine lämuz om +18 C°, tal'vkun-uhokun +23..+24 C°, kezakun-elokun +11..+13 C°. Ekstremumad oma −7 C° i +43 C°. Paneb sadegid 770 mm vodes, kuiv sezon oleskeleb semendkus-elokus (10..19 mm kus). Paneb lunt harvoin lujas.

Eläjad[redaktiruida | redaktiruida purde]

Vn 2010 Argentinan rahvahanlugemižen mödhe lidnan eläjiden lugu oli 1 329 604 ristitud. Läz 1,6 mln elädas ezilidnoidenke (2010).

Kordovan nacionaline universitet^[1] radab vspäi 1613 (isp.: Universidad Nacional de Córdoba, UNC, 111 tuhad üläopenikoid vl 2014). Argentinan Tedoakademii om sätud Kordovas vl 1869 i baziruiše neciš lidnas tähäsai.