Koupavogür

Koupavogür
Kópavogur

Lidnanznam
Valdkund	Islandii
Eläjiden lugu (2022)	38,998 ristitud
Pind	110 km²
Pämez'	Asdis Kristjansdottir (kezaku 2022—, Ásdís Kristjánsdóttir)
Telefonkod	+354-
Aigvö	UTC+0

Kundan sijaduz Islandijan suvipäivlaskman kartal (2022)

Koupavogür (isl.: Kópavogur ​[ˈkʰouːpaˌvɔːɣʏr̥] «tüleninpoigaižen laht») om lidn Islandijan suvipäivlaskmas. Se om valdkundan kahtenz' lidn da kund eläjiden lugun mödhe, Reikjavikan suvine ezilidn, mülüb Pälidnan agjaha.

Istorii

Eländpunktan aluz om pandud vn 1948 1. päiväl vilukud, maižanduzfermoiden i kezaküläpertiden sijas, elänzoitmaha sirdanuzid pälidnha külälaižid Toižen mail'man sodan aigan. Žilo sai lidnan statusad vl 1955.

Koupavogür šingotase lähižiden kundoiden «magaduzrajonaks», sömtegimištol, torguindal i avtoiden möndal, meblin pästandal i toižel kommertižel aktivižusel. Valdkundan kaikiš suremb Smáralind-torguindkeskuz i kaikiš korktemb Smáratorg 3-pert' (78 metrad, 20 žirud) oma täs. Äi eläjid lähižiš-ki kundoišpäi ajeltas radmaha lidnas.

Geografijan andmused

Lidn sijadase kahesa metrad ü.m.t. keskmäižel korktusel, mererand om päivlaskmaižes palas. Röunatab Reikjavikanke pohjoižes i Gardabair-lidnanke suvipäivlaskmas.

Eläjad

Kaik 200 eläjad oli lidnan sijas 1940-nzil vozil. Vl 2010 eläjiden lugu oli 30 357 ristitud. Kaikiš suremb lidnan ristitišt om nügüd'.

Läz 550 openikoid om Koupavogüran konservatorijas (isl.: Tónlistarskóla Kópavogs).

Edeline lidnan pämez' om Armann Olafsson (uhoku 2012 — kezaku 2022, Ármann Kr. Ólafsson).

Irdkosketused

• Lidnan oficialine sait (kopavogur.is). (isl.) (angl.)