Lonstonan zamk

Lonstonan zamk (angl.: Launceston Castle, korn.: Kastell Lannstefan) om keskaigan zamk penen Lonston-lidnan ümbrištos (Kornuoll-grafkund, Anglii, Sur' Britanii).

Lidnuz om saudud normandijan stiliš vodele 1067 kuti grafkundan administrativine keskuz. Oli mugoman 13. voz'sadahasai. Nügüd'aigan om ruiniruidud olendas. Hal'g rižase turistoil.

Istorii

Lidnuz om sätud normannižes stiliš Mott- i Beili-tipiden mödhe. Britanižed istorikad lugetas, miše lidnusen aluz om pandud 11. voz'sadal Vil'hel'm Valloitajan Robert-vellel, Kornuollan ezmäižel grafal. Toižen tundištadud vähätodhižeks versijan mödhe, lidnusen aluz om pandud Bretonan Brajanal^[1].

Lidnuz kändihe grafkundan administrativižeks keskuseks sauvondan jäl'ghe kerdalaz i Kornuollan grafoiden rezidencijaks.

Eziauguižešti Lonstonan zamk ei olend znamasižeks varmituseks, ližatihe donžonad 12. voz'sadal vaiše.

13. voz'sadan lopus sirtihe administrativišt keskust Lostuitiel-lidnha.

Vodes edel vn 1549 Kornan vasthalibundad Tomas Kranmeran mehed ümbärziba da anastiba 28 kornan lidnust. Ottihe plenha Uil'jam Badin rikondan tagut, kudambale Kranmeran käskön mödhe pidi paganzoitta Hel'stonan katoližid pühäpertid. Katoližen jumalankodikundan likvidacii Kornuollas oli keskuzohjastusen ühteks pätegendoišpäi Reformacijan aigan.

Jäl'ges zamk tuli lanktushe. Anglijan revolücijan aigan lidnusen seinäd oliba mugoižes pahas olendas, miše parlamentan sodaväged pätiba olda murendamata sidä anastandan jäl'ghe rojalistoilpäi^[2].

Lidnuz kadoti znamoičendad kaik enamba, vaiše sen pohjoine pol' oli elänzoittud. Vl 1764 muretihe lidnust paloin sauvomha kivišt sauvust Lonston-lidnas. Sid' 18. voz'sadaspäi 19. voz'sadan augotišhesai lidnusen pala kävutihe türmaks. Sen sauptandan jäl'ghe zamk kändihe kundaližeks lebusijaks.

Vl 1973 Lonstonan lidnuses Čarl'z-ruhtinaz om tedotadud Kornuolan gercogaks oficialižikš. Tradicijan mödhe gercogale pidab otta feodaližid andoid da velgusid. Todud gercogale obrokan keskes oliba: par vauktoid sor'mikoid, par mectuzkoirid, punt percad da tminad, kuldatud kangad, 100 hobedad šillingad, lauk, keihaz da lämoi.

Homaičendad

↑ Herring, Peter; Gillard, Bridget. Launceston. Cornwall and Scilly Urban Survey. (angl.)
↑ http://www.british-civil-wars.co.uk/biog/grenville-richard.htm (angl.)

Lonstonan zamk Vikiaitas

Nece kirjutuz om vaiše ezitegez. Tö voit abutada meile, ku kohendat sidä da ližadat sihe.

[1] Herring, Peter; Gillard, Bridget. Launceston. Cornwall and Scilly Urban Survey. (angl.)

[2] ttp://www.british-civil-wars.co.uk/biog/grenville-richard.htm (angl.)

[1]

[2]