Lugu

Kompleksluguiden (C) alaäjüded: oiktad (todesižed) lugud (R), ned mülütadas racionaližid luguid (Q), ned kogonaižid luguid (Z), kudambihe naturaližed lugud (N) mülüdas

Lugu om matematikan päižiš tärtusišpäi, kävutase objektoiden i niiden paloiden kvantitativižen harakteristikan, rindatusen i numeracijan täht.

Znamoitas luguid kirjutamižes arabižil luguil tobjimalaz, mugažo matematižiden operacijoiden simvolil.

Istorii

Lugun tärtuz sündui lugendan tarbhaižusespäi istorijanedeližes ristitkundas, tärtuz leviganzi lujas tedon šingotesenke. Luguiden kirjutandan voimused leviganziba kirjkelen sädandanke. Pozicine lugendsistem om sätud Amuižes Indijas, se laski kirjutada mittušt taht naturališt lugud kümnen lugun abul. Lugun lopmätomuden el'genduz sündui Amuižen Grekanman tedomehiden töiš.

Toižendad

Jagadas luguid nenikš kategorijoikš:

• pozitivine i negativine lugu;
• konkretine i abstraktine lugu;
• üks'znamaine i äiznamaine lugu;
• parakaz i paratoi lugu;
• palatoi i palakaz lugu;
• racionaline i irracionaline lugu;
• rouhniklugu i kogonaine lugu;
• ordinaline i kardinaline lugu;
• lugendsisteman mödhe: oz., decimaline lugu, binarine lugu.

Toižed: kuvitelendlugu, segoitadud lugu, relätivine lugu.

Erased lugud oma ičeze nimidenke ičendoiden tagut, oz., π-lugu, e-lugu.

Ladimed lugemha luguid: lugulaud, arifmometr, logarifmine jonoštim, kal'kulätor, kompjuter.

Lugendoperacijad

• voib ližata luguid i poleta niid;
• äikerdoita i jagada luguid;
• panda lugu märpordhale i otta jur' luguspäi.

Kacu mugažo

• Luguruno
• Lugutego
• Numeral vai Luguvajeh
• Numerologii
• Zverin lugu