Luke (lidn, Paragvai)

Vikipedii-späi
Luke
Luque (isp.)
Lúke (guaran.)
Flag
Valdkund Paragvai
Eläjiden lugu (2019) 277,301 ristitud
Pind 152 km²
Luke Luque (isp.) Lúke (guaran.)
Telefonkod +595-(0)21
Aigvö tal'vel UTC−4,
kezal UTC−3


Lidnan rajonad (2019)

Luke (isp.: Luque [ˈlu.ke], guaran.: Lúke) om lidn Paragvain suvipäivlaskmas. Se om valdkundan nellänz' lidn eläjiden lugun mödhe, Asunsjonan päivnouzmaine ezilidn. Mülüb Keskuzagjaha, sen kaikiš suremb lidn.

Istorii[vajehta | vajehtada tekst]

Eländpunktan aluz om pandud 18. voz'sadan keskes guarani-indejalaižiden territorijal. Vspäi 1781 lidn mainitase dokumentoiš kut erigoittud municipalitetan keskuz. Oli valdkundan pordaigaližeks pälidnaks vl 1868 (22. uhoku — 7. tal'vku) Paragvain sodan aigan.

Luke šingotase pälidnan lendimportal, juvelirtegesiden, matkliphiden i soitoiden (gitarad, arfad) pästandal da möndal, kaik om viž tuhad penid edheotandoid lidnas. Motocikloiden ühthekeradand, tekstilin edheotandad.

Geografijan andmused[vajehta | vajehtada tekst]

Lidn sijadase Paragvai-jogen päivlaskmaižel randal, 120 m ü.m.t. keskmäižel korktusel. Matkad Asunsjon-pälidnan keskushesai om 13 km päivlaskmha.

Klimat om subtropine. Kezal om räk, tulleid Amazonasan regionaspäi ližatas uparid. Tal'v om viluhk lühüd. Paneb sadegid kezal i sügüzel päpaloin.

Luke jagase 28 rajonaks (barrio:ks).

Eläjad[vajehta | vajehtada tekst]

Vl 2002 lidnan eläjiden lugu oli 185 127 ristitud. Kaikiš suremb ristitišt om nügüd', agjan kahesandez.

Neniden universitetoiden päsauvused vai filialad ratas lidnas: Taivaniž-Paragvaine politehnine, Luken avtonomine, Kommercializacijan i šingotesen tehnine, Asunsjonan nacionaline (Tehnologižiden innovacijoiden keskuz), Pohjoine, Kontinentidenkeskeine tehnologine, Politehnine i čomamahtoine, Leonardo da Vinčin nimed. Toižed profopendusen aluzkundad oma Luke-lidnan municipaline muzikkonservatorii, Municipaline karguiden škol.

Transport[vajehta | vajehtada tekst]

Pälidnan soda- da civiline rahvahidenkeskeine lendimport Sil'vio Pettirossi-aviatoran nimed[1] (ASU / SGAS, 1,2 mln passažiroid vl 2018) radab lidnas.

Homaičendad[vajehta | vajehtada tekst]

  1. Lendimportan Sil'vio Pettirossi-aviatoran nimed sait (asuncion-airport.com). (angl.) (isp.)

Irdkosketused[vajehta | vajehtada tekst]