Lumimarjanpenzaz
| Lumimarjanpenzaz | ||||||||||||
|---|---|---|---|---|---|---|---|---|---|---|---|---|
 Vauktan lumimarjanpenzhan (Symphoricarpos albus) änikod, plodud i umbikod | ||||||||||||
| Tedoklassifikacii | ||||||||||||
|
||||||||||||
| Latinankel'ne nimi | ||||||||||||
| Symphoricárpos Duhamel, 1755 | ||||||||||||
|
Lumimarjanpenzaz (latin.: Symphoricarpos) om penzhiden heim. Mülütadas Küz'mäižpuižed-sugukundha.
Leviganduz
[vajehta | vajehtada lähtetekst]Heim kogoneb kuz'toštkümnes erikospäi kahtenke londuseliženke gibridanke. Läz kaik erikod libudas Pohjoižamerikaspäi, üks' om Kitain päivlaskmaspäi.
Ümbrikirjutand
[vajehta | vajehtada lähtetekst]Täuz'kaznu penzaz oleleb kaks'kümnes santimetraspäi koumhe metrhasai kortte. Ei küzu väghišt mad i äjan vet, pil'vesenvastaine, gazanvastaine.
Änikoičeb kaiken kezan aigan, änikuz om toppaz. Änikod išttas ülälehtesiden kaimloiš. Plod om šurunvuitte lumarj vauktan, rusttan vai mustan mujun, oleleb üks'..koume lud marjas.
Kävutand
[vajehta | vajehtada lähtetekst]Ištutadas dekorativižeks kazmuseks, paksumba kaiked Symphoricarpos albus-erikod, se om dekorativine lujas sügüzel. Om hüväks medenkandajaks.
Kaikiden erikoiden plodud oma travijad ristitun täht, kuctas öglästust, humalzdust i lihazvällüt[1]. Marjad-plodud mülütadas morijoid alkaloidoid. Travind voib tulda üks'jäižen marjan otandan südäimehe jäl'ghe eskai. Surmaline doz ristitun täht om sada grammad. Lumimarjad oma tarbhaine tal'veline söm erasiden-se linduiden täht: kodipühüt, fazan i tedr.
Erikod
[vajehta | vajehtada lähtetekst]Erikoiden nimikirjutez, olend vn 2015 elokus:
- Symphoricarpos acutus (A.Gray) Dieck — Teravlehtesine lumimarjanpenzaz (Kalifornii, Nevad, Oregon)
- Symphoricarpos albus (L.) S.F.Blake — Vauged (vai Järgeline) lumimarjanpenzaz (Kanad, AÜV)
- Symphoricarpos guadalupensis Correll — Makkitrikan lumimarjanpenzaz (Tehasan päivlaskm)
- Symphoricarpos guatemalensis J.K. Williams — Gvatemaline lumimarjanpenzaz (Gvatemal)
- Symphoricarpos hesperius G.N.Jones — Levinii lumimarjanpenzaz (Kalifornii-štat i Kalifornii-pol'sar', Oregon, Vašington, Britanine Kolumbii)
- Symphoricarpos longiflorus A.Gray — Rahvahatoman man lumimarjanpenzaz (Meksikan lodeh, AÜV:oiden suvipäivlaskm)
- Symphoricarpos microphyllus Kunth — Henlehtesine lumimarjanpenzaz (Gvatemal, Meksik, Nju Meksiko)
- Symphoricarpos mollis Nutt. — Pehmed lumimarjanpenzaz (Kalifornii)
- Symphoricarpos occidentalis Hook. — Päivlaskmaine lumimarjanpenzaz (Kanad, AÜV)
- Symphoricarpos orbiculatus Moench — Kehker lumimarjanpenzaz, vai Korallmarjad, heimon tipine erik (Meksikan pohjoižpäivnouzm, AÜV:oiden keskuz i päivnouzm)
- Symphoricarpos oreophilus A.Gray — Mägennavedii lumimarjanpenzaz (Meksikan pohjoine, AÜV:oiden i Kanadan päivlaskm)
- Symphoricarpos palmeri G.N.Jones — Palmeran lumimarjanpenzaz (Meksik, AÜV:oiden suvipäivlaskm)
- Symphoricarpos parishii Rydb. (Kalifornii-štat, Nevad, Kalifornii-pol'sar' )
- Symphoricarpos rotundifolius A.Gray — Kehkerlehtesine lumimarjanpenzaz (Meksik, AÜV:oiden suvipäivlaskm)
- Symphoricarpos sinensis — Kitajine lumimarjanpenzaz (Kitai)
- Symphoricarpos vaccinioides Rydb. — Kehkerleht lumimarjanpenzaz (Kalifornii)
Londuseližed gibridad:
- Symphoricarpos chenaultii Rehder — Šenon lumimarjanpenzaz
- Symphoricarpos doorenbosii Krüssm.
Homaičendad
[vajehta | vajehtada lähtetekst]- ↑ Konovalova T. Ju., Ševireva V. A. Ядовитые растения: Атлас-определитель. (Morijad kazmused: Märhapanii atlas). — M.: SAS «Fiton+», 2011. — 112 lp. (ven.) ISBN 978-5-93457-372-1.