Lumiuk

Vikipedii-späi
Lumiuk Šveicarijas
Lumiuk Bavarijas (Saksanma) Uden 2014 voden kanman
Lumiukon sädand Estinman Kirvemaa-regionas vn 2022 vilukus. Videon hätkeližuz om 2 min 38 s.

Lumiuk om skul'ptur nepsas lumespäi. Tehtas sidä tal'vaigan, lapsed tehtas tobjimalaz. Kogoneb koumes käčertud šuruspäi da peniš detališpäi, erasti lud (vast) kädes.

Tal'veline amuine bobuštuz, mainitase Evropan dokumentoiš Keskaigan 14.-15. voz'sadoišpäi. Ristitun stilizuidud mel'kuva. Tegihe i tehtas kaikiš maiš lumen olendanke, i voib löuta materialoid kebnašti. Pandas käčuid suruden mödhe, alahanpäi ülähäks: pök, rindaz, pä. Ližatas penid käzid lumespäi vai varmdoid peniš oksišpäi. Znamoitas rožan sil'mid hilüdil i sud morkofkal vai käbul. Seižutadas labidon vai ludan lumehe da toktas sen vart kädhe. Lumiuk seižub sulandhasai vai polttas sidä kopril, amptas lumižil da lumitukuil paganusen aigaspäi.

Lumiukon kuva kävutase reklamas, se ei anda sidoid miččehe taht religijha, i auditorijan mülü tegese suremb. Tehtas puhutadud seižujid lumiukoid kezal da lämiš maiš. Ottas čomitesen elementaks lumiukoid bumagaspäi, ombeltud nitišpäi vai kanghišpäi.

Kacu mugažo[vajehta | vajehtada tekst]


Nece kirjutuz om vaiše ezitegez. Tö voit abutada meile, ku kohendat sidä da ližadat sihe.