Mariinskii-teatr
Valdkundaline akademine Mariinskii-teatr (ven.: Государственный академический Мариинский театр) om üks' kaikiš tetabambiš i järedambiš operan da baletan teatrišpäi Venämas i kaikes mail'mas. Päsauvuz sijadase Piteriš, Teatral'nai-torgul. Mariinskii-baletan päsijaduz.
Kollektiv om olmas 18. voz'sadan lopuspäi. Nügüdläine päsauvuz om vaumitud vll 1859−1860, nimitihe Marija Aleksandrovna-imperatornaižen mödhe. Arhitektorad oma A. K. Kavos i V. A. Šröter. Teatran päsauvuz mülüb valdkundan kul'turjäl'gusen nimikirjuteshe. Vll 1935−1992 teatran nimi oli Kirovskii. Koume tošt Piterin pertid alištudas teatrale: kahtenz' scen Krükovan kanalal (vspäi 2013) da koncertzal (vspäi 2006 i uz' suvikorpus vspäi 2021, koumanz' scen i kamerscen). Kaks' filialad oma Venämas: Vladikavkaz- (vspäi 2017) i Vladivostok- (vspäi 2016) lidnoiš.
Teatran direktor, čomamahtoine ohjandai i dirižör om Valerii Gergijev vspäi 1988.
Sezonoidenkeskuižes teatr andab scenad toižile kollektivoile. Muzikaližen i teatraližen čomamahton üläškol radab Mariinskii-teatras.
Irdkosketused[redaktiruida | redaktiruida purde]
- Mariinskii-teatran oficialine sait (mariinsky.ru). (ven.) (angl.)
 |
Mariinskii-teatr Vikiaitas |
|
Nece kirjutuz om vaiše ezitegez. Tö voit abutada meile, ku kohendat sidä da ližadat sihe. |