Parmad
| Parmad | ||||||||||
|---|---|---|---|---|---|---|---|---|---|---|
 Hebon parm (Gasterophilus intestinalis) | ||||||||||
| Tedoklassifikacii | ||||||||||
|
||||||||||
| Latinankel'ne nimi | ||||||||||
| Oestridae (Leach, 1815) | ||||||||||
|
Sil sanal voib olda toižid znamoičendoid; miše nähta niid, tulgat tänna.
Parmad (latin.: Oestridae) om kaks'suugaižiden sinantropižiden gavediden sugukund. Tetas 176 erikod 30 heimos.
Leviganduz
[vajehta | vajehtada lähtetekst]Sugukundan erikod oma levitadud kaikedme mail'madme. Avaromb leviganduz om kabjživatišton kazvatandha sidodud.
Kaikiš amuižembad parman Dermatobia hydropica-erikon kaivandused oma löutud AÜV:oiden Kolorado-štatas, sen eocenan šoidus 50,3 mln vozid igänke.
Ümbrikirjutand
[vajehta | vajehtada lähtetekst]Täuz'kaznu (imagon) hibj om 9..25 mm pitte. Erased erikod oma mezjäižiden i ürghižen pojavad. Pä om leved lapakon polhe. Sil'mad oma pal'had erikoiden enambusel. Ižačuiden sil'mad kazdas lähižemb toine toižennoks. Habinoižed oma lühüdad i süvetud kopuižihe. Rindaz om kattud hibusuzil. Jaugad oma lühüdad sanktad karvakahad. Pökuine om šurunvuitte vai kon'ak.
Gaved'madod parazitiruidas imetaiživatoil, voidas ristitul-ki. Parmoiden täuz'kaznuded eričud ei sögoi (afagad), heiden sun organad oma reduciruidud. Vaiše üks' keskuzamerikaine Dermatobia hominis-erik tegeb zatridüd londoid ristituiden päle, enamba kaiked kodiživatišt mokičese parmoiden tagut.
Alasugukundad
[vajehta | vajehtada lähtetekst]Kaik om nell' alasugukundad:
- Cuterebrinae (Amerik, 83 erikod kudes heimos)
- Gasterophilidae (kaikjal, viž heimod)
- Hypodermatinae (päiči Edahaižes Pohjoižes, ühesa heimod)
- Oestrinae (kaikjal, 35 erikod ühesas heimos)