Pimenov Vladimir

Pimenov Vladimir
radmižen toižend:	antropoloog
sündundan dat:	24. sügüz’ku 1930
sündundan sijaduz:	Voronež, Venäman NFST[d], Nevondkundaližiden Socialistižiden Tazovaldkundoiden Ühtištuz
valdkund:	Nevondkundaližiden Socialistižiden Tazovaldkundoiden Ühtištuz  Venäma
kolendan dat:	1. kül'mku 2012(2012-11-01) (82 vot)
kolendan sijaduz:	Moskv, Venäma

Vladimir Vladimirovič Pimenov (ven.: Влади́мир Влади́мирович Пи́менов; sünd. 24. sügüz'ku 1930, Voronež, Venäman NFST, NSTÜ — kol. 1. kül'mku 2012, Moskv, Venäma) oli nevondkundaline i venämalaine etnograf da etnolog, specialist suomalaiž-ugrilaižes kul'turas. Kirjuti läz sadad tedotöid venän kelel.

Biografii

Tuleban aigan tedomez' oli sündnu V. F. Pimenov-čomamahtontedomehen (1905−1995) kanzha. Openui Moskvan valdkundaližen universitetan istorijan fakul'tetas vll 1949−1954, etnografijan kafedr.

Pimenov oli Karjalan kodirandantedištandmuzejan palakundan pämehen Petroskoiš vll 1954−1958. Vodele 1958 kändihe NSTÜ:n Tedoakademijan Etnografijan institutanno aspiranturan pästnikan, openui stacionaratomikš. Vll 1958−1966 radoi Karjalan tedokeskusen Kelen, literaturan i istorijan institutas. Vahvišti kandidatan dissertacijad vepsläižiden etnižes istorijas vl 1966 i oli valitud NSTÜ:n Tedoakademijan Etnografijan institutan tedoradnikaks konkursan kal't. Istorijan tedodoktor (1977).

Vll 1986−2006 — professor, radoi Moskvan valdkundaližes universitetas sen etnologijan kafedran pämehen.

Tedotöiden nimikirjutez

• Пудож. [Ист.] очерк о городе и районе (Pudož. [Ist.] kuvakirjutuz lidnas da rajonas). Petroskoi, 1957.
• Верхний Олонец — посёлок лесорубов: Опыт этнографического описания (Üläolonc — mecančapajiden žilo: Etnografižen ümbrikirjutandan kodv). M.-L., 1964. (Toižed avtorad: R. F. Taroeva, Z. N. Kel'sejeva da tž.)
• Вепсы: Очерк этнической истории и генезиса культуры (Vepsläižed: Etnižen istorijan da kul'turan genezisan kuvakirjutuz). M.-L., 1965.
• Карелия глазами путешественников и исследователей XVIII и XIX веков (Karjal 18. i 19. voz'sadoiden matkadajiden da tedoidajiden sil'mil). Petroskoi, 1969. — 263 lp. (Toine avtor: Je. M. Epštein.)
• Удмурты: Этносоциологические очерки (Udmurtalaižed: Etnosociologižed kuvakirjutused). Iževsk, 1976. (Toine avtor: L. S. Hristolübova.)
• Удмурты: Опыт компонентного анализа этноса (Udmurtalaižed: Etnosan komponentižen analizan kodv). L., 1977.