Piterboro (Ontario)

Piterboro
Peterborough
Lidnanznam;	Flag;
Valdkund	Kanad
Eläjiden lugu (2021)	83,651 ristitud
Pind	64,76 km²
Pämez'	Džeff Lil; (kül'mku 2022—,; Jeff Leal)
Telefonkod	+1−705, +1−249
Aigvö	tal'vel UTC−5,; kezal UTC−4

Piterboro (angl.: Peterborough [ˈpiːtərbʌroʊ]) om Kanadan lidn Ontario-provincijan suves.

Istorii

Eländpunktan aluz om pandud vl 1819 kuti Skotts Pleins (angl.: Scott's Plains). Sai penen lidnan (angl. town) oiktusid nügüdläiženke nimenke vl 1850, suren lidnan (angl. city) — vn 1905 1. päiväl heinkud.

Piterboro šingotase openduzkeskuseks, sömtegimištol (PepsiCo), elektroladimiden tegimel, turizmal, avtodetaliden pästandal i Ošav-lidnan «magaduzezilidnaks», kosmosan i biotehnologijoiden edheotandoil.

Geografijan andmused

Lidn sijadase Otonabi-jogen randoil (angl.: Otonabee 55 km pitte, Suriden järviden bassein), 195 m ü.m.t. keskmäižel korktusel.

Matkad Ontarionjärvhesai om koumekümne viž kilometrad suvhe, Toronton keskushesai om 125 km suvipäivlaskmha, Ottav-pälidnhasai om 270 km pohjoižpäivnouzmha.

Klimat om ven kontinentaline. Keza om päivoikaz lujas, tal'vaig om pil'vekaz lujas. Voden keskmäine lämuz om +7,2 C°, kezakun-elokun +18,1..+21,0 C°, tal'vkun-uhokun −4,0..−7,1 C°. Ekstremumad oma −39,4 C° (tal'vku) i +38,9 C° (heinku). Kezaaigan minimum om −2,8 C° (eloku), tal'vaigan maksimum om +18,5 C° (tal'vku). Paneb sadegid 882 mm vodes, läz tazomäras kuidme, enamba semendkus-kül'mkus (74..92 mm kus), vähemba vilukus-keväz'kus (49..57 mm kus). Paneb lunt pol'tošt metrhasai tal'vaigan 38 päiväs, paloin vihmoidenke paksus. Kun keskmäine relätivine nepsuz (andmused lendimportan täht) vajehtase 52..59 % röunoiš keväz'kus-sügüz'kus, 64..73 % redukus-uhokus.

Tobmuz

Lidnan tobmuden pämez' om mer. Edeline mer om Diana Terrien (Diane Therrien, kül'mku 2018 — kül'mku 2022).

Eläjad

Vn 2011 Kanadan rahvahanlugemižen mödhe lidnan eläjiden lugu oli 78,698 ristitud, vn 2021 — 83,651 ristitud. Kaikiš suremb lidnan ristitišt om nügüd'.

Kundaline Trentan universitet^[1] (angl.: Trent University, 11 tuhad üläopenikoid vl 2019) radab lidnas vspäi 1964.