Port Harkort

Port Harkort
Port Harcourt

Lidnanznam
Valdkund	Nigerii
Eläjiden lugu (2019)	1,148,665 ristitud
Pind	369 km²
Telefonkod	+234-(0)84
Aigvö	UTC+1

Port Harkort (angl.: Port Harcourt [pɔːt ˈhɑːkɔːt], igb.: Ugwu Ọcha) om lidn Nigerijan suves. Se om valdkundan videnz' lidn eläjiden lugun mödhe. Om Rivers-štatan administrativižeks keskuseks da palaks.

Istorii

Eländpunktan aluz om pandud britanijalaižil vl 1912 eksportiruimha kivihil't. Nimitihe Ljuis Vernon Harkort-vikontan mödhe, hän radoi valdkundaližen sekretarin kolonijoiden azjoiš.

Port Harkort šingotase kahtel meriportal, sijaližen kivivoin ümbriradmižen kahtel tegimel.

Geografijan andmused

Lidnan sijaduz štatas i valdkundas vn 2005 kartal

Lidn sijadase štatan keskuzpalan päivnouzmas, Nigeran del'tan Bonni-hijamal (angl.: Bonny River), 18 m ü.m.t. keskmäižel korktusel.

Klimat om tropine mussonine. Järgeline päivän lämuz vajehtase +21..+32 C° röunoiš vodes läbi. Paneb sadegid 2310 mm vodes, lühüd kuiv sezon oleskeleb tal'vkus-vilukus (22..26 mm kus).

Eläjad

Vn 2006 Nigerijan rahvahanlugemižen mödhe lidnan eläjiden lugu oli 1,005,904 ristitud. Läz 3,6 millionad eläjid om ezilidnoidenke 1900 km² pindal (vn 2024 andmused), vl 2015 lidnaglomeracijan eläjiden lugu oli 2,344,000 ristituid (ÜRO:n andmused). Kaikiš suremb lidnan (ezilidnoidenke-ki) ristitišt om nügüd'.

Lidnalaižed oma hristanuskondan erazvuiččiden jumalankodikundoiden polenpidajad, tobj pala om katolikad, toižed oma protestantad. Islamanuskojad oma vähembuses.

Port Harkortan universitet (angl.: University of Port Harcourt) om avaitud lidnas vspäi 1977, 45..55 tuhad üläopenikoid. Britanine «Times Higher Education»-aiglehtez lugi sidä parahimaks Nigerijas vl 2015. Toine om Rivers-štatan universitet (Rivers State University, universitet vspäi 1980).

Irdkosketused

• Port Harkortan sijaližen ičeohjandusen sait (phlg.com.ng). (angl.)