Port Harkort

Port Harkort
Port Harcourt
	Lidnanznam;
Valdkund	Nigerii
Eläjiden lugu (2006)	1,005,904 ristitud
Pind	369 km²
Telefonkod	+234-(0)84
Aigvö	UTC+1

Port Harkort (angl.: Port Harcourt, igb.: Ugwu Ọcha) om lidn Nigerijan suves. Se om valdkundan kudenz' lidn eläjiden lugun mödhe, Rivers-štatan administrativine keskuz.

Istorii

Eländpunktan aluz om pandud britanijalaižil vl 1912 eksportiruimha kivihil't. Nimitihe Ljuis Vernon Harkort-vikontan mödhe, hän radoi valdkundaližen sekretarin kolonijoiden azjoiš.

Port Harkort šingotase kahtel meriportal, sijaližen kivivoin ümbriradmižen kahtel tegimel.

Geografijan andmused

Lidn sijadase Nigeran del'tan Bonni-hijamal (angl.: Bonny River), 18 m ü.m.t. keskmäižel korktusel.

Klimat om tropine mussonine. Järgeline päivän lämuz vajehtase +21..+32 C° röunoiš vodes läbi. Paneb sadegid 2310 mm vodes, lühüd kuiv sezon oleskeleb tal'vkus-vilukus (22..26 mm kus).

Eläjad

Vn 2006 Nigerijan rahvahanlugemižen mödhe lidnan eläjiden lugu oli 1 005 904 ristitud. Läz kaht millionad eläjid om ezilidnoidenke 1900 km² pindal.

Lidnalaižed oma hristanuskondan erazvuiččiden jumalankodikundoiden polenpidajad, tobj pala om katolikad, toižed oma protestantad. Islamanuskojad oma vähembuses.

Port Harkortan universitet^[1] (angl.: University of Port Harcourt) om avaitud lidnas vspäi 1977, 45..55 tuhad üläopenikoid. Britanine «Times Higher Education»-aiglehtez lugi sidä parahimaks Nigerijas vl 2015. Toine om Rivers-štatan universitet^[2] (Rivers State University, universitet vspäi 1980).

Homaičendad

↑ Port Harkortan universitetan sait (uniport.edu.ng). (angl.)
↑ Rivers-štatan universitetan sait (rsu.edu.ng). (angl.)

Irdkosketused

Port Harkortan sijaližen ičeohjandusen sait (phlg.com.ng). (angl.)

Port Harkort Vikiaitas

[1] Port Harkortan universitetan sait (uniport.edu.ng). (angl.)

[2] Rivers-štatan universitetan sait (rsu.edu.ng). (angl.)

[1]

[2]