Räpus evropalaine

Räpus evropalaine
Räpus
Tedoklassifikacii
Valdkund: Živatad Tip: Sel'gjäntkeižed (Chordata) Klass: Pal'csuugaižed kalad (Actinopterygii) Heimkund: Lohenvuiččed (Salmoniformes) Sugukund: Lohižed (Salmonidae) Heim: Coregonus Erik: Räpus evropalaine
Latinankel'ne nimi
Coregonus albula (Linnaeus, 1758)
Sistematik Vikierikoiš Kuvad Vikiaitas ITIS 161963 NCBI 36180

Räpus evropalaine vai muite räpus (latin.: Coregonus albula) om reskveden kalan erik. Mülüb Lohižed-sugukundha.

Leviganduz

Pütas Evropan pohjoižen järvil, Baltijan meren Botnižes i Suomen lahtiš, eläb jogiš mugažo. Levigandmižavaruz: Venäman evropižen palan pohjoine, Suomenma, Skandinavijan pol'sar', Danii, Litvanma, Vaugedvenäma, Saksanma, Šotlandii. Kazvatadas-ki Saksanmas.

Navedib puhtast letkesišt vai savesišt pohjad, pidase järviden süvüdel, päzutase lujas lämäs vedespäi. Putub ongehe harvoin lujas, kävutadas räpusverkod i sen kerekodad-toižendad. Levitadud kala, no lugumär poleneb Venämas.

Ümbrikirjutand

Kala om sel'din pojav formal, täuz'kaznu sase 13..20 santimetrhasai, oleleb 35 sm pitte, püdud kalan keskmäine veduz — 550 grammad (2000, Suomenma). Eläb kümnehe vodhesai.

Lähteb penele süvüdele joukuil i söb henoid rakanvuiččid (dafnijad, ciklopad).

Kävutand

Ottas kävutamižhe veresaks, solakahas da savukurdüd nägul, södas möukud-ki.

Irdkosketused

• Karjalan televizijan Räpus — Veroiden tedolang-oigenduz youtube.com-saital. (veps.) (+ venäkel'žed subtitrad)