Radio

Vikipedii-späi
Radiokommunikacijan shem
Radiostancii navedijoiden täht tarbhaiženke ümbrištonke

Radio (latinan kelen sanoišpäi: radio «sädegoičen», «pästan lähtten», «lasken» i radius «sädeg») om kävutai radiolainhid tehnologii tomha da oigendamha informacijad (sidä kesken internet-signalad), sidon vanuimetoi toižend.

Radiolainhed tegesoiš da oigendasoiš elektromagnitižen energijan ičendoiden sistematižel modeliruindal. Nene ičendad oma amplitud, paksuz, faz, leveduzimpul'smoduläcii.

Avaidusen istorii[vajehta | vajehtada lähte]

Radion avaidusen da tedoidusen process oli pit'k, äi ristituid ühtniba sihe kaiken 19. voz'sadan aigan. Vl 1831 Maikl Faradei avaiži elektromagnitižen indukcijan nägust. Vl 1897 sulakun 24. päiväl Aleksandr Popov-radiotehnikantedomez' oigenzi ezmaižen Venämas «Генрих Герц»-radiogramman (Genrih Herc) 250 metraha Piterin universitetan sauvusiden keskes.

Radion oigendusen da sandan processan ližaladimed oma mikrofon, oigendim, oigenduzantenn, sandantenn, radiosandapparat, vägestoitim, dinamikad vai kundlimed.

Kävutand[vajehta | vajehtada lähte]

Radiosidon toižendad:

  • radiooigendusidenke (kaimdaisido, radioreleiden kal't, pezasido) vai radiooigendusita;
  • leved radioänetoitand (massinformacijan oigenduz), radionnavedijoiden i civiline radiosido.

Radion levedad kävutandad oma kaikenaigaine radiooigenduz, televizijan oigenduz, digitaline radio, radiopagižmižed, mobiližed telefonad, radionavigacii, radar, lämbituz (mikrolainhižen päčin effekt), radioohjanduz, radioastronomii.

Radioho sidodud tedod: radioastronomii, radionavigacii, radiotedištelend.

Sidon diapazonad[vajehta | vajehtada lähte]

Radiolainhiden pädiapazonad:

  • üläpit'klainhine diapazon (4 toižendad, λ = 10—105 km);
  • pit'klainhine diapazon (kilometrižed lainhed, λ = 1—10 km vai f = 30—300 kHc);
  • kesklainhine diapazon (λ = 100 m — 1 km);
  • lühüdlainhine diapazon (λ = 10—100 m);
  • ul'tralühüdlainhine diapazon (metrižed, decimetrižed i santimetrižed lainhed).

Homaičendad[vajehta | vajehtada lähte]



Nece kirjutuz om vaiše ezitegez. Tö voit abutada meile, ku kohendat sidä da ližadat sihe.