Ranaut Kangana

Ranaut Kangana
angl.: Kangana Ranaut
Kangana Ranaut vl 2016
radmižen toižend:	актриса, fil'moiden režissör
sündundan dat:	23. keväz’ku 1986
sündundan sijaduz:	Mandi district[d], Himachal Pradesh[d], Indii
valdkund:	Indii
avtograf:
Ranaut Kangana VikiAitas

Kangana Ranaut (mugažo anglijan kelel, virktas [kəŋɡənaː raːɳoːʈʰ]; hindi: कंगना राणावत; sünd. 23. keväz'ku 1987, Bhambl, Mandi-ümbrik, Himačal Pradeš-štat, Indii) om indine aktris. Edestab rolid hindikel'žiš fil'miš tobjimalaz.

Biografii

Tuleban aigan aktris sündui Amardip-biznesmenan i Aša-opendajan kanzha, kahteks lapseks koumespäi. Kangana kazvoi ičeze rodun erižpertiš Bhambl-lidnudes. Openui Čandigarhan DAV-školas, sädi kodvid modas lapsessai. Tahtoi käta lekarikš, no sai kilt školtestas i kuz'kümnevoččen ajeli Delihe elämižhe.

Model'agentused homaičiba neiččen čomut, i Kangana vastsi severzid-se taričendoid. Kazvatajad oliba toižen kar'jeran vasthapäi päiči edesižes openduses, ka neižne «jäi sädamižen voimusita» (hänen sanoiden mödhe) i ühtni Asmita Theatrep-truppha, sai opendust teatran Arvind Gaur-režissöral. Debütirui vl 2004 «Armastan sindai, boss»-fil'mas. Jäl'geližed fil'mad oliba satusekahad kommertižikš.

Valitud fil'mografii

• «Ganster» (2006) — Simran
• «Ned kurod...» (2006) — Sana Azim
• «Šakalaka Bum Bum» (2007) — Ruhi
• «Elo sures lidnas» (2007) — Neha
• «Toden ecmäs» (2008, tamilan kelel) — Shenbaga
• «Olend modan plenas» (2008) — Shonali Gudžral
• «Ala kadota toivod» (2009) — Pudža
• «Zmeid» (2010) — Džina Grover
• «Ühten kerdan Mumbaiš» (2010) — Rehana
• «Vänd» (2011) — Sija Agnihotri
• «Kaksitadud bobuštuz» (2011) — Kija
• «Tanun da Manun sai» (2011) — Tanudža «Tanu» Trivedi
• «Ohjastamatoi» (2012) — Nikita
• «Krriš 3» (2013) — Kaja
• «Kuningaznaine» / «Avaiten mirud» (2014) — Rani Mehra
• «Armastan Ut Vot» (2015) — Tikku Verma
• «Rangun» (2017) — Džulia
• «Manikarnika: Džhansin kunigaznaine» (2019) — Džhansin rani

Irdkosketused

• Kangana Ranautan oficialine sait (officialkanganaranaut.com). (angl.)
• Ranaut Kangana «Internet Movie Database»-saital (angl.)
• Ranaut Kangana «KinoPoisk»-saital (ven.)