Deli

Vikipedii
Jump to navigation Jump to search
Deli
दिल्ली (Dilli) (hindi)
Delhi (angl.)
دِلّی Dli (urdu)
ਦਿੱਲੀ Dilī (päivn.-pandž.)
 Lidnanznam
Emblem of India.svg
 Flag
..Delhi Flag(INDIA).png
Valdkund Indii
Eläjiden lugu (2011) 11 007 835 ristitud
Pind 1483 km²
Deli दिल्ली (Dilli) (hindi) Delhi (angl.) دِلّی Dli (urdu) ਦਿੱਲੀ Dilī (päivn.-pandž.)
Pämez' Anil Baidžal
(viluku 2 017—)
Telefonkod +91-11
Avtokod DL-xx
Aigvö UTC+5:30


Deli-nevondterritorijan kart vl 2014.

Deli (hindi: दिल्ली Dilli, angl.: Delhi, urdu: دِلّی Dli, pandžabi: ਦਿੱਲੀ Dilī) om kahtenz' surtte lidn Indijas. Delin lidnaglomeracii om mugažo kahtenz' surtte valdkundas Mumbain jäl'ghe.

Administrativine jagand[redaktiruida | redaktiruida purde]

Deli om Nacionaline pälidnan territorii administrativižikš, mülüb Indijan nevondterritorijoihe. Se mülütab koume lidnad ičeksaz, kaikutte lidn om ičeze ohjastusen al: Delin municipaline korporacii (1397,3 km²), Uz' Deli-pälidnan municipaline komitet (42,7 km²) da Delin Sodanevondkund (43 km²).

Deli jagase 9 ümbrikoks, kaikutte niišpäi alajagase koumeks alaümbrikoks (tehsil:aks).

Nacionaline pälidnan territorii alištub Nacionaližhe pälidnan regionan ohjastusele — Delin aglomeracijan ekonomižen ohjandusen organale, sädihe sidä pätmaha megapolisan problemoid.

Istorii[redaktiruida | redaktiruida purde]

Žilod lidnan sijas mainitadas ezmäižen kerdan 6. voz'sadaspäi EME.

Vl 1911 britanine administracii pani Uz' Deli-pälidnan alust.

Geografii[redaktiruida | redaktiruida purde]

Deli sijadase Indijan pohjoižes Gangan oiktan Džamn-ližajogen («Jamun:an» Mahabharatan mödhe) molembil randoil. Lidnan keskmäine korktuz om 293 metrad meren pindan päl. Territorii röunatab Uttar Pradeš-štatanke päivnouzmas, Har'jan-štatanke toižiš poliš.

Klimat om tropine mussonine. Musson oleskeleb kezakus-sügüz'kus. Kaikiš räkembad kud oma semendku i kezaku +32..+33 C° keskmäiženke lämudenke. Tal'v om kuivahk, no sumosine vilun il'man tulendan Gimalajišpäi tagut, tal'vkun-uhokun kesklämuz om +14..+16 C°. Tal'vel voib panda halad lujas harvoin. Paneb sadegid 795 mm vodes, sidä kesken redukus-keväz'kus 7..19 mm kus.

Transport[redaktiruida | redaktiruida purde]

Kundaline transport om avtobusad, kiruhavtobusad, taksid i motorikšad, kaik ned ratas ahtištadud londuseližel gazal. Jonused ühtenzoittas ezilidnoidenke. Delin metro (hindi: दिल्ली मेट्रो Dillī Meṭro) radab vn 2002 tal'vkuspäi, se mülütab 8 jonod raudteiden 343 km pitte, 250 stancijanke vl 2018.

Indira Gandi nimel nimitadud rahvahidenkeskeine lendimport (DEL, 69,9 mln passažiroid vl 2018, sidä kesken 18,5 mln verazmalaižid) om Indijan kahtenz' surtte. Se om civiline täuzin, sijadase 16 kilometrad suvipäivlaskmaha lidnan keskusespäi (Udes Delišpäi). Tehtas reisid mail'man järedoihe lidnoihe, Persijan lahten i Suvipäivnouzmaižen Azijan maihe, mugažo Indijan äjihe lidnoihe.

Tetabad sündnuded[redaktiruida | redaktiruida purde]

  • Šahruh Han (sünd. 1965) — indijalaine akt'or da prodüser.

Galerei[redaktiruida | redaktiruida purde]

Homaičendad[redaktiruida | redaktiruida purde]


Irdkosketused[redaktiruida | redaktiruida purde]