Ret'khein

Järgeline ret'khein (Barbarea vulgaris) om heimon tipine erik, Kerav (Suomenma)

Valdkund:	Kazmused
Palakund:	Änikkazmused (Magnoliophyta)
Klass:	Kaksidülehtesižed (Dicotyledones)
Kund:	Kapustänikoižed (Brassicales)
Sugukund:	Kapustižed (Brassicaceae)
Heim:	Ret'khein

Latinankel'ne nimi

Barbaréa W.T.Aiton, nom. cons. (1812)

Sistematik
Vikierikoiš

Kuvad
Vikiaitas

ITIS 22739

NCBI 50457

Ret'khein (latin.: Barbarea) om Kapustižed-sugukundan heim. Kogoneb läz 22 erikospäi, mülütab kaks'voččid i äivoččid heinäsižid kazmusid.

Leviganduz

Erikoiden augotižlibundan tahod oma Evropas, Azijas, Pohjoižamerikas. Om invazivižeks kazmuseks Avstralijas (kaks' erikod). Barbarea verna-erik om ottud kul'turha Anglijas 17. voz'sadal kuti heinän purde salatoihe.

Ümbrikirjutand

Kazmusen lehtesed oma muzavihandad. Änikod oma pakuižed nellänke äniklehtesenke. Änikused oma tophanvuiččed, kogotas äi änikoid tobjimalaz. Änikod kändasoiš pauguikš semnidenke küpsnemižes.

Ret'kheiniš om glikozidoiden erazvuiččid toižendoid. Erased erikod mülütadas saponinoid, ka ned oma travijad gavedile.

Valitud erikod

Barbarea alpicola — Al'pine ret'khein
Barbarea americana — Amerikaine ret'khein
Barbarea balcana — Balkanine ret'khein
Barbarea sicula — Siciline ret'khein
Barbarea taiwaniana — Taivanine ret'khein
Barbarea vulgaris — Järgeline ret'khein, tipine erik

Kacu mugažo

Ret'k

Homaičendad