Revolücii Venämas vl 1917

Revolücijan sodavägiden parad Moskvan Rusttal torgul, 4. keväz'ku 1917

Revolücijad Venämas vl 1917 (Uhokun revolücii i Redukun revolücii, Sur' venän revolücii) om vn 1917 revolücižiden aigtegoiden nimituz Venämas. Jätkustui läz üht vot: 23. uhoku (8. keväz'ku) 1917 — 6. (19.) viluku 1918. Edel vn 1917 sügüz'kud valdkundan formaline nimituz oli Venäman imperii, sügüz'kuspäi i vn 1918 vilukuhusai — Venäman Tazovaldkund.

Uhokun i Redukun revolücijan pätegod mäniba Petrogradas, redukun azekaz vasthalibund oli Moskvas-ki. Monarhii, Nikolai II-car' i hänen kanz oliba čuratud tobmudespäi, kudamb läksi Pordaigaližele ohjastusele. Päine met oli sabustadud, politižed partijad saiba täut faktišt tobmut. Vn 1917 aigan armijan demokratizacijan i manpidajiden küzundan pätandan naprindad oliba tehtud. Pordaigaline ohjastuz oli kükstud Redukun revolücijan aigan, konz bol'ševikad i heihe ühtistujad tedotihe Nevondkundoiden (nevondkundališt) tobmut.

Jäl'gused: monarhijan čuraduz i seižusiden likvidacii; bol'ševikoiden tulend tobmudehe; Alusenpanijan suiman küksend; rahvahanikoiden sodan Venämas zavodind.

Homaičendad

Nece kirjutuz om vaiše ezitegez. Tö voit abutada meile, ku kohendat sidä da ližadat sihe.