Rusked sild (Piter)

Rusked sild

Rusked sild (ven.: Красный мост) om üks'keskustaine raudbetoniž-terasine avtotesild Piteriš Moik-joges päliči. Sijadase Gorohovai-irdal. Ühtenzoitab Admiralteiskii- i Keskuzrajonad, Kazanin i 2nz' Admiralteiskii-sarid. Vihand sild om saudud ülezjogen, Sinine sild sijadase mödvedhe.

Sijaduz

Sijadase Gorohovai-irdan värtmudel. Torguindpert' «S. Esders i K. Šeifal's» (Moikanjogen randird nomer 73/15) i Venäman valdkundaližen pedagogižen universitetan sauvuz A. I. Gercenan nimed (Moikanjogen randird nomer 52) oliba läz sildad vspäi 1906.

Lähembaižed metrostancijad oma «Gostinnii dvor», «Sadovaja», «Admiralteiskai».

Istorii

Ezmäine sild oli puine avaiduzsild vspäi 1717. Vspäi 1737 vhesai 1778 oli nimitadud Vauktaks sildaks (ven.: Белый мост), sid' nügüdläižikš mujutandan mödhe, i ei olend jo avaiduzsildaks. Mujutadud pusildoiden gruppan vizualine erinend oli muju vaiše, sikš nimitihe-ki muga.

Vodele 1814 uz' sild oli saudud kaugedraudaspäi šotlandižen Vil'jam Geste-arhitektoran tipižen projektan mödhe. Rusked sild om üks'jäine sild Moik-joges päliči saudud sen projektan mödhe sildoišpäi, kudamb kaiči ičeze irdnägud. Venäman kul'turan jäl'gusen objekt federaliženke znamoičendanke.

Vozil 1953−1954 sildan material om vajehtadud terashe, no kaitihe sildan istorižen irdnägun, «Lengiproinžprojekt:an» V. V. Blaževič-inžener sädi projektad. Udessaudihe pachid ozrikkivespäi bronzšuruidenke i nell'tahkoižid pidatimid A. L. Rotač-arhitektoran ohjandusen al, mugažo röunad avtoten i trotuaran keskes.

Vn 1998 restavracijan aigan vajehtihe uzikš röunoid kaugedraudaspäi i ozrikkivespäi.

Ümbrikirjutand

Sild pidase seičemel ühthekeittud bemblel, ned oma kreptüd monolitižel raudbetonal.

Sauvuz om 22 m pitte (vai 33 m, sidä kesken keskust 21 m) da 16,8 metrad levette. Se om avtoiden i jaugnikoiden likundan täht. Koume avtoted i kaks' trotuarad, kaik oma kreptüd asfal'tbetonal.

Irdkosketused

• Rusked sild Piterin Mostotrestan saital (mostotrest-spb.ru). (ven.) (angl.) (kit.)