Mine sisu juurde

Vihand sild (Piter)

Vikipedii-späi
Vihand sild vn 2014 heinkus

Vihand sild (ven.: Зелёный мост) om Venäman üks'keskustaine kaugedraudasine avtotesild Piterin Keskuzrajonas Moikas päliči. Nevan prospekt läbitab sildad. Pevčeskii-sild om ülezjogen, Rusked sild sijadase mödvedhe.

Istorii[vajehta | vajehtada tekst]

Ezmäine sauvond oli edel 1718. vot, puine avaiduzsild oli Piterin röunaks. Nimitihe sildad «vihandaks» toštmižsauvondan jäl'ghe 1730-nzil vozil. Sild om saudud kaugedraudan blokoišpäi voden 1806 seičemes kus Vil'jam Geste-arhitektoran projektan mödhe. Sen alusel vl 1807 sädihe «ezikuvališt projektad» — Venäman sildan ezmäine tipine projekt, i vll 1808−1840 saudihe enamba kümned mugošt sildad Piteriš, niiden kesken Rusked, Sinine i Pocelujev.

Vozil 1768−1918 sildan nimi oli Policeiskii («Policijansild»), sid' Narodnii-sild («Rahvahansild»). Eziauguine nimi pördui vspäi 1998. Vll 1906−1908 rekonstruiruihe i levitihe sildad panemha tramvaiteid.

Avtod da jaugnikad ottas kävutamižhe Vihandad sildad, kahesa ted transportan likundan täht. Čurazihe tramvaiteid sildaspäi vl 1951, kut kaikes prospektaspäi-ki. Vll 2019−2020 sild eli rekonstrukcijas läbi. Mülüb Venäman kul'turjäl'gusen objektoiden nimikirjuteshe.

Konstrukcii[vajehta | vajehtada tekst]

Sild om 29 (40) m pitte i 39 m levette, avtoteiden ühthine leveduz om 30 metrad. Kaugedraudkeskust om kattud monolitižel raudbetonal bembelüläh, kogoneb pandud 24 riveks penembiš bembelülähišpäi seičeme tübingad kaikuččes. Kaik ned oma kingitadud boltoil.

Alused oma saudud kivipanegespäi cemental, oma kreptüd ozrikkivel. Ned seištas vajil betonrostverkanke, ottas jogen vagon levedust vähän.

Homaičendad[vajehta | vajehtada tekst]


Irdkosketused[vajehta | vajehtada tekst]