Sinine sild (Piter)
Sil sanal voib olda toižid znamoičendoid; miše nähta niid, tulgat tänna.
.jpg)
Sinine sild (ven.: Синий мост) om üks'keskustaine avtotesild Piterin Admiralteiskii-rajonas Moik-joges päliči. Se om Ph. Isaakijan torgun palaks, ühtenzoitab sidä Antonenkon kujonke i Voznesenskii-prospektanke. Mariinskii-pert'kulu i Nikolain I muštpacaz sijadasoiš sildanno. Rusked sild om saudud ülezjogen, Fonarnii-sild sijadase mödvedhe.
Avaiduzsild oli saudud puspäi vl 1737. Vajehtihe sildaks kaugedraudaspäi vl 1818, i se oli jo avaiduseta. Levitihe sauvomha pert'kulud vl 1842, i 19.-20. voz'sadal äiluguižed pened rekonstrukcijad oliba. Vhesai 1861 paukatud mehiden torguz oli sildanno. Nügüdläine sild om raudbetonaspäi voziden 1929−30 suren kohendusen jäl'ghe. Sild om 30 m pitte i 97 metrad levette (kaikiš levedamb Piterin sild). Se kävutase avtoil da jaugnikoil: kaks' trotuarad i viž avtoted laptoil, avar keskuzpala om avtoseižundtahoks. Jäl'geline sur' kohenduz mäni vll 2013−2014, vahvištihe bemblenvuittušt alust.
Irdkosketused
[vajehta | vajehtada lähtetekst]- Sinine sild Piterin Mostotrestan saital (mostotrest-spb.ru) venäkelel, anglijan kelel i kitain kelel
 |
Sinine sild (Piter) Vikiaitas |
|
Nece kirjutuz om vaiše ezitegez. Tö voit abutada meile, ku kohendat sidä da ližadat sihe. |