San Migel' De Tukuman

San Migel' De Tukuman
San Miguel de Tucumán
	Lidnanznam;
Valdkund	Argentin
Eläjiden lugu (2010)	548,866 ristitud
Pind	91 km²
Pämez'	Rossana Čahla; (reduku 2023—,; Rossana Chahla)
Telefonkod	+54-(0)381
Aigvö	UTC−3

San Migel' De Tukuman (isp.: San Miguel de Tucumán, paksus lüh. Tukuman, isp. Tucumán) om lidn Argentinan pohjoižes. Se om valdkundan videnz' lidn eläjiden lugun mödhe, Tukumanan agjan administrativine keskuz da pala.

Istorii

Eländpunktan aluz om pandud vn 1565 31. päiväl semendkud Ivatin-nimitusenke (isp.: Ibatín), om sirtud nügüdläižhe sijha vl 1685. Argentinan ripmatomuz om tedištoittud neciš lidnas vl 1816. Raudte tuli lidnha vl 1870.

San Migel' De Tukuman šingotase finansižil aluzkundoil (bankad), turizmal i toižil holitišil, znamasine transportteiden keskuz.

Geografijan andmused

Lidn sijadase agjan keskuzpalan pohjoižpäivnouzmas, 431 m ü.m.t. keskmäižel korktusel. Matkad Buenos Aireshasai om 1310 km suvipäivnouzmha.

Klimat om subtropine kaks'sezonine. Voden keskmäine lämuz om +19,3 C°, kezakun-heinkun +12 C°, kül'mkun-uhokun +23..+25 C°. Ekstremumad oma +3 C° i +42 C°. Paneb sadegid 966 mm vodes, enamba tal'vkus-keväz'kus (158..200 mm kus), kuiv sezon oleskeleb semendkus-sügüz'kus (12..15 mm kus).

Luja manrehkaiduz (kuz'.. seičeme ballad) oleleb Tukumanan tahondas kerdan koumekümnes vodes, sen tagut pidadas märitud ohjandimid sauvomižes.

Tobmuz

Edeline lidnan pämez' om German Al'faro (Germán Alfaro, reduku 2015 — reduku 2023).

Eläjad

Vn 2010 Argentinan rahvahanlugemižen mödhe lidnan eläjiden lugu oli 548,866 ristitud. Läz 830 tuhad ristituid elädas ezilidnoidenke (2010) 114 km² pindal.

Tukuman om Argentinan pohjoižregionan üläopendusen keskuseks, kaks' universitetad i kahten universitetan palakundad ratas lidnas.

Galerei

Tukumanan agjan tobmuden pert'kulu (eloku 2008)
Pühän Maria-neiččen Inkarnacijan kafedraline päjumalanpert' (katoline, nüg. om avaitud vl 1856), vn 2006 uhokun nägu
Nacionaline tehnologine universitet, Tukumanan regionaline palakund vl 2006
San Martin-teatr (vn 2012 olend)
Rahvahidenkeskeine lendimport Benhamin Matjenso-jenaralan nimed, heinku 2007
Lidnan päraudtestancijan sauvuz vn 2004 vilukus
Lidnan keskuzpalan ühthine nägu (eloku 2017)

Irdkosketused

Lidnan oficialine sait (smt.gob.ar). (isp.)

San Migel' De Tukuman Vikiaitas