Mine sisu juurde

Sialkot

Vikipedii-späi
Sialkot (veps. i angl.)
سيالكوٹ‎ (urdu)
Valdkund Pakistan
Eläjiden lugu (2017) 680,864 ristitud
Pind 19 km²
Sialkot (veps. i angl.) سيالكوٹ‎ (urdu)
Telefonkod +92−52
Aigvö UTC+5


Sialkot (mugažo anglijan kelel, pandžabi i urdu: سيالكوٹ‎) om lidn Pakistanan i sen Pendžab-štatan pohjoižpäivnouzmas.

Istorii[vajehta | vajehtada tekst]

Amuine Sagal-lidn (angl.: Sagala) oli tetab 2. voz'sadal EME kuti Indiž-grekižen kunigahusen pälidn.

Sialkot šingotase eksportan edheotandoil: sporttavaroiden tehmižel vspäi 1895 (mäčud futbolan täht sijaližes nahkaspäi, mail'man pästandan koume videndest, tennisraketuded, toine inventar'), pästtas instrumentoid hirurgijan täht. Se om valdkundan nellänz' lidn elokuhuden mödhe, vozne kogosüdäiprodukt om 13 mlrd US$ ekvivalentas (nominaline), 18,5 tuhad US$ ühtele hengele (2021).

Geografijan andmused[vajehta | vajehtada tekst]

Lidn sijadase 256 m ü.m.t. keskmäižel korktusel, severziš-se kilometriš Indijan röunaspäi. Matkad štatan Lahor-keskushesai om 106 km suvhe orhal vai 145 km avtotedme.

Klimat om subtropine mussonsezonanke. Voden keskmäine lämuz om +22,6 C°, sulakun-sügüz'kun +25..+32 C°, tal'vkun-uhokun +12..+14 C°. Ekstremumad oma −3 C° i +49 C°. Paneb sadegid 1000 mm vodes, enamba heinkus-elokus (277..312 mm kus), vähemba redukus-kül'mkus (9..14 mm kus).

Eläjad[vajehta | vajehtada tekst]

Vl 1998 eläjiden lugu oli 421 502 ristitud. Kaikiš suremb lidnan ristitišt om nügüd'. Kaik 3,9 mln ristituid elihe Sialkotan lidnümbrikos 3016 km² pindal vl 2017.

Irdkosketused[vajehta | vajehtada tekst]