Sliven

Sliven
Сливен
Lidnanznam;	Flag;
Valdkund	Bolgarii
Eläjiden lugu (2022)	82,251 ristitud
Pind	193,78 km²
Pämez'	Stefan Radev; (kül'mku 2015—,; Стефан Радев)
Telefonkod	+359-(0)44
Aigvö	tal'vel UTC+2,; kezal UTC+3

Sliven (bolg.: Сливен [ˈslivɛn]) om Bolgarijan kahesanz' lidn eläjiden lugun mödhe. Se om Slivenan agjan administrativižeks keskuseks da palaks.

Istorii

Ezmäižed eländpunktad lidnan territorijal oliba kahesa tuhad vozid tagaz. Lidn oli tetab Amuižes Grekanmas kuti frakijalaižiden Asti-, Kabileti- da Seleti-heimoiden eländpunkt. Ezmäižed kirjutadud lidnan nimed oma frakijan augotižlibundanke: Tuida/Suida/Tsuida. Ottomanan imperijan aigan nimitihe İslimye, se oli agjan (vilajetan) keskuseks. Vl 1834 vatefabrik radaškanzi lidnas.

Sliven šingotase elektrižen mašiništon i elektrusen tehmižel, omblendedheotandoil (villsobad, noskad), sömtegimištol sijaližel torhudel (maid i vinmarj).

Geografijan andmused

Lidnan sijaduz valdkundas vn 2005 kartal

Lidn sijadase valdkundan päivnouzmas, agjan keskuzpalan päivnouzmas, ani suvhe Stara-Planin-mägisel'galpäi, 243 m ü.m.t. keskmäižel korktusel valdmeren pindan päl.

Sliven levineb pohjoižhe Sofii — Burgas avtotespäi, matkad Sofijhasai om 300 km päivlaskmha, Burgashasai (Mustmeren rand da port) — 100 km päivnouzmha. Lähembaine järed lidn om Stara Zagor kuz'kümnes kilometras suvipäivlaskmha.

Tobmuz

Lidnankundan tobmuden pämez' om kmet (bolg.: кмет на община Сливен), valitas händast radnikusele nelläks vodeks. Edeližed lidnan pämehed oma Kolö Milev (Кольо Милев, kül'mku 2011 — kül'mku 2015), Jordan Lečkov (Йордан Лечков, kül'mku 2003 — kül'mku 2011).

Eläjad

Vn 2011 Bolgarijan rahvahanlugemižen mödhe lidnan eläjiden lugu oli 91 620 ristitud, vn 2021 — 83 371 ristitud. Kaikiš suremb lidnan ristitišt oli 106 212 eläjad vl 1992.

Rahvahad (2011): bolgarijalaižed — 75,2 %, čiganalaižed — 6,2 %, turkad — 2,9 %, toižed rahvahad — 2,0 %, rahvahuden ozutandata — 13,7 %.

Galerei

Lidnan ühthine nägu Karandil-mägenpälpäi (1050 m ü.m.t., bolg. Карандила)
Lidnankundan tobmuden sauvuz (keväz'ku 2021)
Ph. Dimitrijan kafedraline pühäpert' (1831, ortodoksine hristanuskond), vn 2008 sulakun nägu
LEK Sliven vl 2010
Čomamahtoine galerei Dimitar Dobrovič-pirdajan nimed (vn 2011 olend)
Slivenan agjan kirjišt Sava Dobroplodnin nimed (sügüz'ku 2018)
Lidnan läžundkodi Ivan Seliminskin nimed vl 2015

Irdkosketused

Lidnankundan oficialine sait (mun.sliven.bg). (bolg.)

Sliven Vikiaitas