Soton

Soton (evr.: שָׂטָן śāṭān, amuižgrek.: σατανα satana, aram.: סטנא sóṭono lodehližsemitižes *śṭn-tüvespäi «satan», sanasanhaline känduz «olda vihankandajaks», «värituz») om nimi, kudamb znamoičeb väritajad i vastustajad Biblijas. Avraamižiden religijoiden mödhe, olii om Taivhan vägiden päine vastustai mal i taivhas.

Mifine olii om mužiksugun, lapsetoi ezimeletaden. Sotonan radmine om travind i ristituiden vedand grähkha heiden hengeližhe surmhasai, lähtend päzutandaspäi. Nimed toižil kelil oma Vel'zevul, Lücifer, Iblis, diavol, šaitan, amuine zmii. Adun car', lanktenuziden angeloiden vei (diavoloiden, besoiden, lemboiden).

Udes Zavetas starinoičese, miše Iisus nägui sotonan lanktendad: «Hän-žo sanui heile: Minä näguin lanktenut taivhaspäi sotonad samaldusen kartte». Iisus Hristos oti vägestust sotonan päl täuzin i lopuližikš, oti ičheze ristituiden grähkid, koli niiden tagut i om eläbzdunu kolnuzišpäi. Biblii ümbrikirjutab uskojid Hristosale ristituid mal sotonan vägestajikš.