Sur' Teatr

Vikipedii
Mine navigeerimisribale Mine otsikasti
Bol'šoi-Teatran istorižen scenan sauvuz (2011).

Valdkundaline akademine Venäman operan da baletan teatr, Bol'šoi vai Sur' Teatr (ven.: Большой театр) om üks' kaikiš järedambišpäi teatrišpäi Venälaižes Federacijas da üks' kaikiš znamasižembišpäi oper- da baletteatrišpäi Mal. Teatran sauvusiden kompleksan sijaduz om Moskvas, Teatraližel torgul. Pälidnan kul'turelon kaikiš znamasižemb keskuz.

Teatran jouk om pandud vl 1776. Sur' Teatr oli olmas ezmäi kut privatine edheotand, vspäi 1794 valdkundaline (imperatorine). Lavastusiden honused oliba toižed, i ned paloiba paksus.

Eziauguine teatran sauvuz oli letud ičeze sijal udenke torgunke 1820-nzil vozil, se sättui Moskvan udele genplanale vn 1812 Tatanmaižen sodan jäl'ghe, i irdnägu kucui ül'dutamišt rahvahan vägestusespäi sodas. Arhitektor oli Osip Bove, hän ümbriradoi Andrei Mihailov-arhitektoran projektan. Sauvuz paloi vn 1853 lämoipalos, vaiše seinäd da kolonnad jäiba. Nügüdläine sauvuz om sätud vl 1856 klassicizman stiliš Al'bert Kavos-arhitektoran projektan mödhe. 19. voz'sadan lopus sauvusen alusen problemad avaižihe. Vn 1917 revolücijan jäl'ghe teatr kändihe akademižeks i erigoittihe lopuks Penes Teatraspäi. Teatran päsauvuz eli sures kohenduses läbi vll 2005−2011, sil aigal lavastused mäniba lähižel Udel scenal (om saudud vll 1995−2002). Uz' organ-soit om saudud teatras vl 2013.

Sur' teatr mülütab 1800 kacujid. Enamba mi 800 sädust om lavastadud teatral kaikes aigas.

Homaičendad[redaktiruida | redaktiruida purde]


Irdkosketused[redaktiruida | redaktiruida purde]


Wiki letter w.svg Nece kirjutuz om vaiše ezitegez. Tö voit abutada meile, ku kohendat sidä da ližadat sihe.