Susuman

Vikipedii
Mine navigeerimisribale Mine otsikasti
Susuman
Сусуман
 Lidnanznam
Coat of Arms of Susuman (Magadan oblast).png
 Flag
Flag of Susuman (Magadan Oblast).svg
Valdkund Venäma
Eläjiden lugu (2017) 4,899 ristitud
Pind 28 km²
Susuman Сусуман
Pämez' Aleksandr Lobov
(viluku 2016—)
Telefonkod +7−41 345-xx-xxx
Avtokod 49
Aigvö UTC+11 (MSK+8)


Susuman (ven.: Сусуман) om Venäman lidn Magadanan agjan lodehes. Se om Susumanan lidnümbrikon administrativine keskuz, edel 2015. vot nimitihe lidnümbrikod Susumanan rajonaks.

Istorii[redaktiruida | redaktiruida purde]

Eländpunktan aluz om pandud vl 1938 žiloks samha kuldad da kivihil't. Kävutihe türmatud mehiden töid. Vl 1964 žilo sai lidnan statusad. Maižandusen da sömtegimišton edheotandad radoihe edel ristitišton enambusen sirdandad toižihe sijihe.

Geografijan andmused[redaktiruida | redaktiruida purde]

Lidn sijadase ühtennimižen jogen da Berelöh-jogen randoil (Koliman bassein), 650 m ü.m.t. keskmäižel korktusel. Matkad Magadanhasai om läz 600 km suvipäivnouzmha avtotedme.

Klimat om subarktine, terav kontinentaline kuiv. Paneb sadegid 195 mm vodes.

Kaik viž lidnanvuittušt žilod da seičeme muite žilod mülüdas lidnümbrikho Susumanan ližaks. Lidnümbrikon pind — 46 800 km². Eländpunktoiden pol' jäi kaikenaigaižeta ristitištota.

Eläjad da ižanduz[redaktiruida | redaktiruida purde]

Vn 2010 Venäman rahvahanlugemižen mödhe lidnan eläjiden lugu oli 5 855 ristitud, lidnümbrikon — 9 015 ristitud. Kaikiš suremb lidnan ristitišt oli 18 tuhad eläjid vl 1991, rajonan enamba 47 tuhad eläjid vozil 1979 i 1989 (47 950 ristitud vl 1989). Vl 2017 kaik 7667 ristitud elihe lidnümbrikos.

Kuldan i kivihilen samine oma ižandusen päsarakoikš tähäsai. Üks' specialižen keskopendusen aluzkund om lidnas, se om kaivuztehnikum.

Pen' civiline Susuman-lendimport sijadase lidnan suviröunal, tehtas reisid Magadanhasai.

Galerei[redaktiruida | redaktiruida purde]

Homaičendad[redaktiruida | redaktiruida purde]


Irdkosketused[redaktiruida | redaktiruida purde]



Magadanan agjan lidnad
Magadan | Susuman