Vägestusen päiv

Vikipedii-späi
Praznikparadal Moskvas vl 2005

Vägestusen päiv (ven.: День Победы) om Venäman da enččen NSTÜ:n erasiden toižiden valdkundoiden praznik, om Venäman ühteks päpraznikoišpäi. Se oigendase semendkun 9. päiväl, lebupäiv Venämas.

Edeližel päiväl (8. semendku, sijaližel aigal) vodes 1945 Akt Fašistižen Germanijan kapituläcijas om allekirjutadud. Oigetas praznikad Rusttan Armijan i nevondkundaližen rahvahan vägestusen muštoks voziden 1941−1945 Sures sodas. Praznik om pandud NSTÜ:n Ülembaižen Nevondkundan Prezidiuman käsköl vn 1945 8. päiväl semendkud i oigendase 9. semendkud joga vodel. NSTÜ:s se oli lebupäiv vll 1945−1947 i vspäi 1965.

Praznikpäiväl vedadas sodaparadoid i praznikambuškelendoid (salütoid) Venäman äjiš suriš lidnoiš, mugažo radnikoitas panihidoid pölištunuziden mehiden muštoks, todas traurvencoid sen sodan memorialoile, sodaveteranoiden kaumištoile i velleskaumile.


Nece kirjutuz om vaiše ezitegez. Tö voit abutada meile, ku kohendat sidä da ližadat sihe.