Vauged sihlaine

Vikipedii
Mine navigeerimisribale Mine otsikasti
Vauged sihlaine
Vauged sihlaine
Vauged sihlaine änikoičeb
Tedoklassifikacii
Valdkund: Kazmused
Palakund: Änikkazmused (Magnoliophyta)
Klass: Kaksidülehtesižed (Dicotyledones)
Kund: Lamiales
Sugukund: Lamiaceae
Heim: Lamium
Erik: Vauged sihlaine
Latinankel'ne nimi
Lámium álbum L., 1753

Wikispecies-logo.svg
Sistematik
Vikierikoiš

Commons-logo.svg
Kuvad
Vikiaitas

ITIS 32538
NCBI 53159

Vauged sihlaine (latin.: Lamium album) om äivozne heinäsine kazmuz Lamiaceae-sugukundaspäi. Kazmusen irdnägu om sihlaižen (Urtica) pojav, no ei voi sihlištadas, ka ei ole satatajid ogahid.

Leviganduz[redaktiruida | redaktiruida purde]

Kazvab Evropas i Azijas (päiči Indijan suvipalas i Indokitain pol'sares) venon klimatan zonas. Om levitadud kaikedme Venämadme.

Navedib pimitadud sijid vanoiden randoidme täizöiženke nepsudenke. Sädab žomid. Kazvab rujoheinäks saduiš, linmaiš, irdoidme, aidveridme i varaaitoidenno, harvemba penzhištos da mecas.

Ümbrikirjutand[redaktiruida | redaktiruida purde]

Jurišt om ujelii. Seikh om püštoiged, oleskeleb 170 santimetrhasai kortte. Lehtesed kazdas paroil. Kaik kazmuz om kattud pehmdoil penil ogahil.

Vauktad änikod kazdas ülälehtesiden kaimloiš, renghaks 6..14 änikod kerdalaz. Änikoičeb kaiken vegetacijan pordod (sulaku — reduku). Plodud küpsnedas kezakuspäi sügüz'tal'vhesai. Plod om cenobii — palakaz, kogoneb nelläs pähkmenvuiččes palaspäi.

Kävutand[redaktiruida | redaktiruida purde]

Ottas vauktan šihlaižen lehtesid i änikoid zell'torhudeks, vaumitadas spravitajid unotesid. Tervehtadas satatesid, nahkan läžundoid, verenjoksmusid, kuziburakon i südäimuniden-sirguiden läžundoid.

Kazvatadas dekorativižeks kazmuseks. Medenkandai, andab äi vauvast nektarad i heid'omad, no nektaran süvä sijaduz vitkostab mezjäižiden radod. Voib otta norid lehtesid sötkeks, ku nuž — ka sömäks-ki.

Homaičendad[redaktiruida | redaktiruida purde]