Viflejem
| Valdkund | Izrail' |
| Eläjiden lugu (2017) | 28,591 ristitud |
| Pind | 10,6 km² |
| |
| Pämez' | Anton Salman (semendku 2017—) |
| Telefonkod | +970−02 |
| Aigvö | tal'vel UTC+2, kezal UTC+3 |
Viflejem (evr.: בֵּית לֶחֶם Beit Lehem «leibän kodi», arab.: بيت لحم Bait Lahm «lihan kodi») om Izrailin lidn Palestinas.
Istorii[redaktiruida | redaktiruida purde]
Eländpunktan aluz om pandud läz 1400. vot EME. Biblijan mödhe, lidn om David-carin i Hristan sündundan sija. Vanh lidn om kaičenus hüvin, läz vit tuhad eläjid om siš. Znamasine avraamižiden religijoiden täht Rahilin kaumuz sijadase pohjoiženno tulendanno Viflejemha.
Viflejem šingotase sijaližiden dekorativižiden tegesiden torguindal i turizmal (kaks' millionad matkadajid vodes, 30 adivpertid, 300 käzitöiden radhonust), tekstil'tegimištol, sömtegimištol (makaronad, konditerižed tegesed), sauvondmaterialiden pästandal (mramoran i toižiden kividen samine), himižel tegimištol (mujud, plastik, räzin, zelläd).
Geografijan andmused[redaktiruida | redaktiruida purde]
Lidn sijadase 10 km suvhe Jerusaliman keskusespäi, röunatab senke. Levitase 775 m ü.m.t. keskmäižel korktusel (38 m korktemba mi Jerusalim), Judejan mägiden pautkil.
Klimat om Keskmeren kaks'sezonine. Verez tullei tuleb Keskmerespäi läz keskpäiväd. Kuiv räk hamasin-tullei puhub Arabijan pol'sarelpäi sulakus-kezakus. Tal'vaigan paneb lunt läz kerdan kus. Voden keskmäine lämuz' om +17 C°, kezakun-sügüz'kun +22..+25 C°, tal'vkun-keväz'kun +9..+11 C°. Paneb sadegid 589 mm vodes, enamba tal'vkus-uhokus (109..142 mm kus). Kuiv sezon oleskeleb semendkus-sügüz'kus (2,5 mm semendkus, sid' 0 mm kaikes pordos).
Eläjad[redaktiruida | redaktiruida purde]
Vl 2007 lidnan eläjiden lugu oli 25 266 ristitud. Heiden tobj pala om islamanuskojad, enambuses lidnas vn 1967 rahvahanlugemižen aigaspäi (sil sigal otiba 54%, 7 790 ristitud, kaik eläjid oli 14 439). Hristanuskojiden kund otab kümnendest-videndest ristitištos. Kaikiš suremb ristitišt om nügüd', 22 453 eläjad oli vl 1961. Läz 100 tuh. ristituid om ezilidnoidenke (2017).
Irdkosketused[redaktiruida | redaktiruida purde]
- Lidnan oficialine sait (bethlehem-city.org). (arab.) (angl.)
 |
Viflejem Vikiaitas |