Vlör

Vlör
Vlora
	Lidnanznam;
Valdkund	Albanii
Eläjiden lugu (2011)	79,513 ristitud
Pind	29 km²
Pämez'	Dritan Leli; (kezaku 2015—)
Telefonkod	+355-(0)33
Aigvö	tal'vel UTC+1,; kezal UTC+2

Vlör (alb.: Vlora i Vlorë [ˈvlɔɾə]) om lidn Albanijan suvipäivlaskmas. Se om valdkundan nellänz' lidn eläjiden lugun mödhe, Vlöran agjan administrativine keskuz.

Istorii[vajehta | vajehtada tekst]

Eländpunkt om tetab 6. voz'sadaspäi EME. Amuižen aigan sen nimi oli grekine Avlon-kolonii (amuižgrek.: Αὐλών Aulṓn), znamasine meriport radoi siš. Albanijan ripmatomuz om tedotadud neciš lidnas vn 1912 28. kül'mkud, Vlör oli sen ezmäižeks pälidnaks.

Vlör šingotase kivivoin i londuseližen gazan ümbriradmižel, sömtegimištol (kalan ümbriradmine, keitandsolan pästand), tekstil'tehmižel, sauvondal, lebuturizmal, meriportal (kahtenz' surtte valdkundas) i torguindal.

Geografijan andmused[vajehta | vajehtada tekst]

Lidn sijadase agjan lodehes, Adriatižen meren Vlöran lahten randal, Ionižen meren röunal. Matkad Tiran-pälidnhasai om 135 km pohjoižhe. Vlör-raudtestancii radab vspäi 1985, nügüd'aigan om vaiše jüguiden täht.

Klimat om Keskmeren. Voden keskmäine lämuz om +16,9 C°, heinkun-elokun +25 C°, tal'vkun-keväz'kun +6..+8 C°. Ekstremumad oma +41,6 C° i −7 C°. Paneb sadegid 995 mm vodes, enamba kül'mkus (192 mm) i tal'vkus (141 mm), vähemba kezakus-sügüz'kus (9..32 mm kus).

Eläjad[vajehta | vajehtada tekst]

Vn 2011 Albanijan rahvahanlugemižen mödhe lidnfartaliden eläjiden lugu oli 79 513 ristitud, kaiken municipalitetan — 130 827 ristitud 616 km² pindal, agjan kaks' koumandest.

Universitet Ismail Kemalin nimed^[1] (alb.: Universiteti "Ismail Qemali" i Vlorës) radab vspäi 1994, 10 tuhad üläopenikoid.