Čomamaht
Čomamaht om realižen elon el'genduz mel'kuvikš, sädajan südäimen i irdpol'žen mirun kuvitelendan process da rezul'tat. Om estetikan, čomamahtontedon i čomamahtoižen praktikan ühteks kaikiš ühthižembiš kategorijoišpäi.
Se sädamižradmine kuviteleb tegijan mel'hetartusid, mugažo toižiden-ki ristituiden, sikš miše čomamahton kriterii om mahtuz kucta toižiden ristituiden emocionališt vastust. Kaidas el'genduses čomamaht om čomamahtoine radmine i sen satuz — čomamahtoine säduz.
Čomamahtontedo tedoidab čomamahtod kogonaz i sidodud sihe nägusid. Filosofijan tedoidai čomamahtod sarak om estetik.
Istorii
[vajehta | vajehtada lähtetekst]Kaikiš amuižembad löutud čomamahtsädused datiruišoiš 75 tuh. vozid EME da sen enamba. Estetikan istorikad sidodas čomamahton sündundad vändoihe, ritualihe da verotegoihe, niiden kesken oliba mifologijan i magijan el'gendusen tagut. Erased tedomehed lugetas, miše čomamaht zavodiše edelpaginoiden mahtoiš, keleninformacijan oigendamižen, vasthaotmižen i kaičendan muštos mahtusiš.
Čomamaht jagase istorižen pordon mödhe (istorijanedeline, antikaigaine, keskaigaine, nügüd'aigaine) i tahondan mödhe (oz., Indijan, Kitain, Iranan, Amuižen Grekanman, Inkiden imperijan). Kul'turine interpretacii om märičijaks faktoraks, se pätab, voib lugeta objektad čomamahtoižen vai ei, i se om problem. Oz., islaman kul'tur kel'dab kuvata ristituid, sen tagut ei lugekoi heiden kuvid čomamahtoižikš sädusikš.
Funkcijad i metod
[vajehta | vajehtada lähtetekst]Jagadas čomamahton funkcijoid motivacijan (zatrindan) olemižen mödhe.
Metod i funkcijad motivacijata: garmonijan i ritman samine ristitun fundamentaližen instinktan, täuden mujandan alusel; noidusen mujandan kucund; mel'kuvitelendan vändon kucund; kärauduz äjile, kaikile ristituile; sijaližen rahvahankul'turan ritualiden i simvoliden ozutand.
Motiviruidud metod i funkcijad: čomamaht kut kommunikacijan abutuz; kut bobuštuz; kut psihoterapii; avangardan funkcii (politižihe vajehtusihe näht); ozutamha sociališt protestad vai anarhijad; sabustamha propagandan i kommercijan metoid.
Kacu mugažo
[vajehta | vajehtada lähtetekst] |
Čomamaht Vikiaitas |
|
Nece kirjutuz om vaiše ezitegez. Tö voit abutada meile, ku kohendat sidä da ližadat sihe. |