Daggubati Rana
| Daggubati Rana | |
| telug.: రానా | |
 Rana Daggubati «Baahubali: Augotiž»-fil'man presskonferencijal, vn 2015 kezaku | |
| radmižen toižend: |
filmiprodutsent, filminäitleja, production designer, fotograf |
|---|---|
| sündundan dat: |
14. tal'vku 1984 (39 vot) |
| sündundan sijaduz: | |
| valdkund: | |
| tat: | |
 Daggubati Rana VikiAitas | |
Ramanaidu Daggubati, om tutab Rana Daggubati-nimenke (mugažo anglijan kelel, telug.: దగ్గుబాటి రానా, hindi: राना दग्गुबाटि; sünd. 14. tal'vku 1984, Madras, Tamil Nadu, Indii), vai muite Rana, om indijalaine akt'or da prodüser. Edestab telugukel'žiš fil'miš tobjimalaz.
Biografii[vajehta | vajehtada tekst]
Rana om sündnu Čennai-lidnha, Sureš Babu Daggubati-prodüseran i hänen Lakšmi Daggubati-akan pereheze. Hänen Ventakeš-däd' om populärine akt'or, tatan Ramanaidu Daggubati-tat (Rana:n ded) radoi prodüseran. Rana openui Haidarabad-lidnan publižes školas i Čennain «Chettinad Vidyashram»-školas. Edel fil'madandoid Rana radoi vizualižiden effektoiden pirdajaks da prodüseraks. Zavodi akt'oran kar'jerad vl 2010.
Akt'or eläb kanzanke heiden pertiš Haidarabad-lidnas.
Valitud fil'mografii akt'oraks[vajehta | vajehtada tekst]
- «Lider» (2010) — Ardžun Prasad
- «Sada vägestust vai pölištuda» (2011) — DiŽei Džoki Fernandes
- «Minun tahtoind» (2012) — Ganeš
- «Sur' opendai» / «Kitänd Krišnale» (2012) — tehnologijan Babu-bakalavr
- «Nece norišt om meletoi» (2013) — Vikram (kameo)
- «Baahubali: Augotiž» (2015) — Bhallaladeva
- «Rudramadevi» (2015) — Čalukija Virabhadra
- «Gazi-VA-laivan atak» (2017) — Ardžun Verma
- «Baahubali: Lopind» (2017) — Bhallaladeva
- «Olen kunigaz, minä-žo olen ministr» (2017) — Radha Džogendra
Mel'hetartujad faktad[vajehta | vajehtada tekst]
- Akt'or om neniden sportjoukuiden pidajan: «Telugu Tigers» (futzal), «Telugu Titans» (kabaddi), «Baahubali Boxers» (boks).
- Vl 2017 starinoiči ühtes interv'juišpäi, miše hän oli sogenzunu laps'aigan, no satusekaz transplantacijan operacii pördi nägemišt hurale sil'male.[1]
Homaičendad[vajehta | vajehtada tekst]
- ↑ Rana Daggubati is blind in right eye. Baahubali 2 actor makes shocking revelation, watch video (Rana Daggubati om soged oiktas sil'mas. «Baahubali 2»-fil'man akt'or tegi šokirujad tedištoitust, kacu videod) / Indianexpress.com. (angl.)
Irdkosketused[vajehta | vajehtada tekst]
- Daggubati Rana „Internet Movie Database“-saital (angl.)
- Daggubati Rana „KinoPoisk“-saital (ven.)
- Rana Daggubati — Instagram.