Dubai

Vikipedii-späi
Dubai
دبي
 Lidnanznam
 Flag
Valdkund Araban Ühtenzoittud Emiratad
Eläjiden lugu (2018-10-08) 3,137,463 ristitud
Pind 3,885 km²
Dubai دبي
Pämez' Mohammed ibn Rašid Al' Maktum
(viluku 2006—)
Telefonkod +971−4
Aigvö UTC+4


Dubai (arab.: دبي Dubajj [dʊˈbajj], lahten arabine virkand: [dəˈbaj]) om Araban Ühtenzoittud Emiratoiden kaikiš suremb lidn eläjiden lugun mödhe, ühtennimižen emiratan pälidn, valdkundan järed meriport.

Istorii[vajehta | vajehtada tekst]

Nügüdläine eländpunkt mainitaškanzihe vl 1799 kuti kaitud Al Fahidi-lidnusel pen' žilo. 20. voz'sadan augotišes lidnut oli Persijan lahten znamasižembiš portoišpäi ičeze ližakahan geografižen sijadusen tagut. Dubai oli britanižen Kožundaktaine Oman-protektoratan palaks vspäi 1833 i sen administrativižeks keskuseks vll 1954−1971.

Vl 1966 löutihe kivivoid emiratas, no sen löudmižsijiden mülü om penemb äjan mi Abu Dabi-emiratas. Rahad torhen kivivoin möndoišpäi tuldas lidnha vspäi 1969. Emiratan ižandusen alused oma turizm, aviacii, likutamatomuz, finansižed holitišed. Sal'hiden pala kivivoišpäi om läz vit procentad vaiše.

Mail'man Expo-2020-ozutelend mäneb Dubaiš vn 2021 redukus — vn 2022 keväz'kus.

Geografijan andmused[vajehta | vajehtada tekst]

Lidn sijadase valdkundan pohjoižpäivnouzmas, Persijan lahten randal, 5 m ü.m.t. keskmäižel korktusel.

Vl 2013 lidnan eläjiden lugu oli 2 106 177 ristitud. Läz 5,6 mln ristituid elädas lidnaglomeracijas (2018). Territorii 4 110 km² pindanke (edel man pudotesiden projektoid oli 3 885 km²) om alištunu lidnan tobmudele.

Homaičendad[vajehta | vajehtada tekst]


Irdkosketused[vajehta | vajehtada tekst]


Nece kirjutuz om vaiše ezitegez. Tö voit abutada meile, ku kohendat sidä da ližadat sihe.