Emden

**Emden**
Lidnanznam;	Flag;
Valdkund	Saksanma
Eläjiden lugu (2020)	49,874 ristitud
Pind	112,34 km²
Pämez'	Tim Kruithoff; (kül'mku 2019—,; Tim Kruithoff)
Telefonkod	+49−492
Aigvö	tal'vel UTC+1,; kezal UTC+2

Emden (mugažo saksan kelel, virktas [ˈɛmdn̩], sijaline Emder, päivn.-friz.: Oamde) om lidn Saksanman da sen Alasaksonii-federacijanman lodehes, Alaman röunanno.

Istorii

Eländpunktan aluz om pandud 8. voz'sadan aigemba. Se sai lidnan oiktusid Maksimilian I-imperatoraspäi vl 1495. Alamaiden alištuz Ispanijan tobmudele kucui protestantoiden-pagenikoiden aldod lidnha 16. voz'sadan lopus, i 17. voz'sadan aigan Emden oli elokahaks lidnaks-valdkundaks. 19. voz'sadan lopus saudihe Dortmund−Ems-kanalad (269 km pitte), i Emden kändihe Rur-regionan päižeks meriportaks.

Emden om laivansauvomižen keskuz, tehtas VA-laivoid, jügulaivoid da specialižid astjoid. Järed Volkswagen-koncernan avtotegim radab Emdenas (kümne tuhad radajid). Pohjoižmeren randküliden turizman keskuz.

Geografijan andmused

Lidnan sijaduz federacijanmas i valdkundas vn 2006 kartal

Lidn sijadase üks' metr ü.m.t. keskmäižel korktusel.

Matkad federacijanman Gannover-keskushesai om 203 km suvipäivnouzmha orhal vai 250 km avtoteidme. Lähembaižed sured lidnad oma Bremen 110 km päivnouzmha-suvipäivnouzmha orhal vai 130 km avtol i Groningen (Alamad) 45 km päivlaskmha-suvipäivlaskmha orhal vai 100 km avtoteil. Avtoiden eksportan-importan meriport radab lidnas Pohjoižmeren i Ems-jogensun randal.

Klimat om Atlantižen valdmeren. Keza om päivoikaz, tal'vaig om pil'vekaz lujas. Voden keskmäine lämuz om +9,9 C°, kezakun-elokun +15,5..+17,6 C°, tal'vkun-uhokun +2,9..+3,9 C°. Paneb sadegid 809 mm vodes, läz tazomäras kuidme, enamba heinkus-sügüz'kus (78..86 mm kus), vähemba uhokus-semendkus (42..54 mm kus). Kun keskmäine relätivine nepsuz vajehtase 77..83 % röunoiš keväz'kus-sügüz'kus, 86..90 % redukus-uhokus.

Tobmuz

Edeline lidnan pämez' om Bernd Bornemann (2011−2019).

Eläjad

Vl 2013 lidnan eläjiden lugu oli 49,790 ristitud. Saksalaižed ottas 96 % ristitištos (2011). Kaikiš suremb ristitišt oli 53,509 eläjad vl 1975.

Religijan mödhe (2011): protestantad ― 62 %, katolikad ― 8 %, toižed uskojad i religijatomad ― 30 %.

Sättutoitud tedoiden universitet radab vspäi 1973 (läz nelläd tuhad üläopenikoid).

Galerei

Lidnan tobmuden sauvuz (2016)
Sur' jumalanpert' (Große Kirche, om udessaudud Suren sodan jäl'ghe) i kirjišt, vn 2015 nägu
Volkswagen-kompanijan avtotegim vl 2013
Kunsthalle-čomamahtonmuzei (vn 2023 olend)
Üks' koumes lidnan basseinaspäi (2010)
Emdenan port vl 2010, avtoiden i tulleiturbinoiden terminalad oma ezimal
Emden-päraudtestancii vl 2010

Irdkosketused

Lidnan tobmuden sait (emden.de). (saks.)

Emden Vikiaitas