Fell'bah

Vikipedii
Jump to navigation Jump to search
Fell'bah
Fellbach
Lidnanznam
Wappen Fellbach.svg
Valdkund Saksanma
Eläjiden lugu (2017-01-01) 45 783 ristitud
Pind 27,70 km²
Fell'bah Fellbach
Pämez' Gabriel' Zull'
(kül'mku 2 016—)
Telefonkod +49-711
Aigvö tal'vel UTC+1 
kezal UTC+2


Fell'bah (saks.: Fellbach) om lidn Saksanman suvipäivlaskmas, Baden Vürtemberg-federacijanmas. Lidn om Štuttgartan pohjoižpäivnouzmaine ezilidn, mülüb sen administrativižhe regionha.

Istorii[redaktiruida | redaktiruida purde]

Eländpunkt mainitase ezmäižen kerdan vl 1121 kuti Velbah-külä (saks. Velbach). Vl 1357 Velebah-nimi sündui (saks. Velebach), vl 1800 nimitihe küläd Felbah:aks (saks. Fehlbach). Se sai lidnan statusad vl 1933. Vspäi 1973 lidn om ühtištudud Šmiden-eländpunktanke (saks. Schmiden), vspäi 1974 — Effingen:anke (saks. Oeffingen), ned oma lidnrajonikš.

Fell'bahan kompanijad oma otnus metallanümbriradmižhe, mugažo lidn om maižanduzrajonan keskuseks (vinmarj, vill').

Geografijan andmused[redaktiruida | redaktiruida purde]

Lidn sijadase Nekkar-jogen oiktal randpolel (saks. Neckar, Reinan oiged ližajogi), kukhikahas tahondas, 287 m korktusel valdmeren pindan päl.

Vspäi 1974 Fell'bah jagase 3 lidnrajonha, viž küläd mülüdas sihe mugažo.

Eläjad[redaktiruida | redaktiruida purde]

Vl 1970 eläjiden lugu oli 28 962 ristitud. Vl 2000 lidnan ristitišt ületi 43 tuhad i ližadub vitkos sil aigalpäi. Kaikiš suremb ristitišt oli 42 501 eläjad vl 1975 (municipalitetoiden ühtenzoitusen jäl'ghe) i om nügüd'.

Lidnan edeline pämez' oli Kristof Palm (2000−2016).

Transport[redaktiruida | redaktiruida purde]

Štuttgartan kebnan metron U1-jonon agj om olmas lidnas. Lidnaglomeracijan avtobusad (5 maršrutad) i elektrojonused (kaks' seižutest) oma kundaližeks transportaks lidnas. Voib sadas molembil ezilidnelektrojonusil lendimporthasai. Kaks' tonnelid oma saudud lidnan kiruhteil.

Lähembaine rahvahidenkeskeine lendimport (STR) sijadase suvhe Štuttgartaspäi.

Irdkosketused[redaktiruida | redaktiruida purde]