Fijer

Fijer
Fier
Lidnanznam;	Flag;
Valdkund	Albanii
Eläjiden lugu (2011)	85,845 ristitud
Pind	78 km²
Pämez'	Armando Subaši; (2019−2023,; Armando Subashi)
Telefonkod	+355-(0)34
Aigvö	tal'vel UTC+1,; kezal UTC+2

Fijer (alb.: Fier [ˈfiˈɛɾ], definitine form Fieri) om lidn Albanijan suvipäivlaskmas. Se om valdkundan seičemenz' surtte lidn, Fijeran agjan administrativine keskuz da pala.

Istorii

Eländpunktan aluz om pandud vl 1729 ümbrišton torguindan keskuseks. Se sai lidnan statusad vl 1864.

Fijer šingotase kivivoin samižel i himižel tegimištol, järedal LEK:al, tekstil'tegimištol, sömtegimištol (olivanvoi, sahar, leibän i živatproduktad), turizmal (antikaigan Apollonii-lidnan ruinad kaks'toštkümnes kilometras lidnaspäi).

Geografijan andmused

Lidn sijadase Gjanic-jogen randoil (alb.: Gjanica, langenijan merhe Seman-jogen 85 km pitte hura ližajogi), 44 m ü.m.t. keskmäižel korktusel.

Matkad Adriatižen meren randhasai om kuz'toštkümne kilometrad päivlaskmha, Tiran-pälidnhasai om 100 km pohjoižhe, raudte ei ole rados.

Klimat om Keskmeren. Voden keskmäine lämuz om +15..+16 C°. Paneb sadegid 901 mm vodes, vähemba kezakus-elokus (27..36 mm kus), enamba redukus-tal'vkus (100..123 mm kus).

Eläjad

Vn 2011 Albanijan rahvahanlugemižen mödhe lidnan eläjiden lugu oli 85 845 ristitud, ümbrikon — 120 655 ristitud 619,90 km² pindal. Vl 1982 lidnan ristitišt oli 35 tuhad eläjid. Vl 1990 ümbrikon ristitišt oli 251 115 eläjad, 1990-nzil vozil se poleni lujas migracijan tagut verhiže maihe i Tiran-pälidnha.

Amuižen Apollonii-lidnan kaikiš suremb ristitišt oli 50..60 tuhad eläjid.