Geberh
| Valdkund | Suviafrikan Tazovaldkund |
| Eläjiden lugu (2011) | 312,392 ristitud |
| Pind | 251,03 km² |
| Pämez' | Babalva Lobiše (kül'mku 2024—, Babalwa Lobishe) |
| Telefonkod | +27-(0)41 |
| Aigvö | UTC+2 |
Geberh (angl.: Gqeberha [kɛˈbɛərxə], afrik.: Die Baai [di ˈbɑːi], kos.: iBhayi / Gqeberha [ᶢǃʱɛ̀ɓéːxà]) om lidn Suviafrikan Tazovaldkundan suves. Se mülüb Päivnouzmaižhe Kapan provincijha kaikiš surembaks lidnaks.
Lidn om Nel'son Mandelan Merilaht-lidnümbrikon administrativižeks keskuseks (merilahted mugomanke nimenke ei ole), mugažo sen ümbärdajan Kakadu-rajonan keskuz (ei mülü rajonha).
Istorii
[vajehta | vajehtada lähtetekst]Eländpunktan aluz om pandud britanižil kolonistoil vl 1820. Nimitihe oficialižešti Port Elizabet:aks (angl.: Port Elizabeth sijaliženke lühendusenke P.E.) hätken aigan Kapan kolonijan gubernatoran Elizabet Frensis-akan mödhe. Om Indižen valdmeren joudjaks meriportaks vspäi 1832. Sai lidnan da erištadud municipalitetan statusad vl 1861 i oli municipalitetaks ičeksaz vhesai 2000. Lidn sai ut oficiališt nimitust vn 2021 uhokus langenijan merikarha jogen i kosan Uolmer-keskuzrajonan nimen mödhe.
Geberh da sen ezilidnad šingotasoiš valdmeriportal, avtotegimištol da avtopaloiden pästandal.
Geografijan andmused
[vajehta | vajehtada lähtetekst]
Lidn sijadase agjan suvipäivlaskmas, Algoa-lahten randal, 15 m ü.m.t. keskmäižel korktusel.
Matkad Keiptaunhasai om 770 km päivlaskmha. Matkad provincijan Bišo-keskushesai om 210 km pohjoižpäivnouzmha orhal vai 250 km avtol.
Klimat om subtropine valdmeren päivoikaz. Voden keskmäine lämuz om +17,8 C°, tal'vkun-keväz'kun +20,2..+21,9 C°, kezakun-elokun +14,1..+14,6 C°. Ekstremumad oma −0,5 C° (kezaku, heinku) i +40,7 C° (keväz'ku). Voib panda lühüdad halad semendkus-elokus. Il'man lämuz voib ületada +32 C° miččel taht kul. Paneb sadegid 592 mm vodes, läz tazomäras kuidme, enamba elokus (72 mm), vähemba vilukus (33 mm). Kun keskmäine relätivine nepsuz vajehtase 73..81 % röunoiš voden aigan.
Tobmuz
[vajehta | vajehtada lähtetekst]Lidn mülüb Nel'son Mandelan Merilaht-lidnümbrikho (angl.: Nelson Mandela Bay Metropolitan Municipality), kudamb om sätud vn 2000 tal'vkus.
Sen municipalitetan pämez' om lidnan-ki pämehen, panese radnikusele municipaližel suimal (Municipal Council). Oz., Mongameli Bobani radoi municipalitetan pämehen (meran, angl.: mayor) vn 2018 elokuspäi vhesai 2019. Edeline mer om Geri van Niekerk (Gary van Niekerk, semendku 2023 — reduku 2024).
Eläjad
[vajehta | vajehtada lähtetekst]Vl 2007 lidnan eläjiden lugu oli 237,500 ristitud, vl 1991 — 303,353 ristitud. Vn 2011 rahvahanlugemižen mödhe 312,392 eläjad oli lidnas. Kaikiš suremb lidnan ristitišt om nügüd'. Kaik 1,15 mln ristituid elihe lidnümbrikos vl 2011 1 959 km² pindal i 1,190,496 ristitud vl 2022 sil-žo pindal, se om kudenz' surtte valdkundas.
Ezmäižen kelen mödhe (arni lidn, 2011): afrikaans — 40,2 %, anglijan kel' — 33,2 %, kosan kel' — 22,2 %, toine kel' — 4,3 %.
Universitet Nel'son Mandelan nimed[1] (angl.: Nelson Mandela University, 28 tuh. üläopenikoid) om sätud vl 2005 koumen aluzkundan ühtištusel.
Galerei
[vajehta | vajehtada lähtetekst]- Lidnümbrikon tobmuden sauvuz Torgusen torgul (angl. Market Square, sügüz'ku 2012)
- Pühän Marijan Vigatoman päjumalanpert' (anglikanine), nägu vn 2012 sügüz'kus
- Pirsonan konservatorii ph. Georgijan puištos (2012)
- Geberhan meriport vl 2011
Homaičendad
[vajehta | vajehtada lähtetekst]Irdkosketused
[vajehta | vajehtada lähtetekst]| Geberh Vikiaitas |
