Hüväsuguižiden neiččiden Smol'nii institut
Hüväsuguižiden neiččiden Smol'nii institut (ven.: Смольный институт благородных девиц) Piteriš oli ezmäine naižiden openduzaluzkund Venäman imperijas. Se pani naižiden opendusen alusen valdkundas i oli valdkundaline (bajarišton lapsed maksoiba openduses). Ezmäine imperijan mugoižiš aluzkundoišpäi (kaik niid oli koumekümne) i kaikiš prestižižemb.
Institutan eziauguine nimi oli «Imperatorine hüväsuguižiden neiččiden kazvatandsebr» (ven.: Императорское воспитательное общество благородных девиц). Sen aluz oli pandud Jekaterina II-imperatornaižen käsköl vn 1764 5 (16). semendkud hänen Ivan Beckoi-sekretarin iniciativan mödhe. Käskös om kirjutadud, miše sebr sädase «andamha valdkundale hüvin opetud naižid, hüvid mamoid, kanzan i ristitkundan ližakahid ühtnijoid».
Aluzkund sijazihe Džakomo Kvarengi-arhitektoran sauvuses (om letud vll 1806−1808) vn 1917 redukuhusai, sid' Novočerkasskas, i vll 1919−1932 emigracijas — Serbijan territorijal. Smol'nii-nimi libui Smol'nii-tanhaspäi, mitte oli saudud vl 1725 Petr I-imperatoran käskön mödhe läz Smol'nai-küläd dögtintegimenke. Vn 1917 redukun revolücijan jäl'ghe sauvuz kävutase Piterin tobmuden ohjandusen päsijaduseks rattemata, vspäi 1996 se om Piterin gubernatoran oficialine rezidencii.
 |
Hüväsuguižiden neiččiden Smol'nii institut Vikiaitas |
|
Nece kirjutuz om vaiše ezitegez. Tö voit abutada meile, ku kohendat sidä da ližadat sihe. |