Novočerkassk

Vikipedii
Mine navigeerimisribale Mine otsikasti
Novočerkassk
Новочеркасск
 Lidnanznam
Coat of Arms of Novocherkassk.png
 Flag
Novocherkassk Flag.jpg
Valdkund Venäma
Eläjiden lugu (2019) 167 355 ristitud
Pind 134,12 km²
Novočerkassk Новочеркасск
Pämez' Jurii Lisenko
(tal'vku 2 017—,
Юрий Лысенко)
Telefonkod +7-8 635-xxx-xxx
Avtokod 61, 161
Aigvö UTC+3 (MSK+0)


Novočerkassk (ven.: Новочерка́сск) om Venäman lidn da lidnümbrik Rostovan agjan päivlaskmas. Se om Rostovan Donal pohjoine ezilidn, agjan nellänz'-videnz' lidn eläjiden lugun mödhe.

Istorii[redaktiruida | redaktiruida purde]

Eländpunktan aluz om pandud ülüdel kaičemha tahod kebnas vl 1805 semendkun 18. (30.) päiväl kuti Donan sodavägiden man (agj vspäi 1870) Uz' Čerkassk-pälidn (ven.: Новый Черкасск). Edeline agjan pälidn oli Čerkassk (nüg. Staročerkasskai-stanic Aksai-lidnanno) Donan randal, i se alištui sur'vezile joga vodel. Raudte läbiti lidnad vl 1864. Novočerkassk oli okkupiruidud nacistoil (25.07.1942 — 13.02.1943). Oli Novočerkasskan rajonan (1944−1963) administrativižeks keskuseks. Tedotihe Novočerkasskad kozakišton mail'man pälidnaks ühtenzoittud suiman aigan Moskvas vn 1993 heinkus.

Novočerkassk šingotase elektrovedimiden tegimel, Novočerkasskan GRES:al, raudmetallurgijan tegesiden pästandal (elektrodad, magnitad), aviamašiništon tegimel, lämuzmašiništon edheotandal, sömtegimištol (lihakombinat, oludtegim), koumel omblendedheotandal (naižsobad, specialižed sobad), mugažo 20 tedoinstitutad ratas lidnas.

Geografijan andmused[redaktiruida | redaktiruida purde]

Lidn sijadase Aksai-jogen (Donan oiged ližajogi) i sen Tuzlov-ližajogen randoil, 101 m ü.m.t. keskmäižel korktusel. Matkad Rostovan Donal röunhasai om 20 km suvipäivlaskmha orhal, 25 km avtotel vai raudtel, keskushesai — 37 km orhal vai 42 km avtotel. Toižed lähembaižed lidnad oma Šahti 22 km pohjoižhe orhal, 27 km avtotedme vai raudtedme, i Aksai 24 km suvipäivlaskmha-suvhe orhal, 26 km avtotedme vai raudtedme. Koume raudtestancijad ratas lidnas, suvespäi pohjoižhe: Novočerkassk, Hotunok, Lokomotivstroi. «Don»-avtote (M4) ümbärdab lidnad päivlaskmaspäi, vižkilometrine sarak tuleb lidnha sišpäi.

Novočerkassk om lidnümbrikon üks'jäine eländpunkt. Röunatab Aksain rajonanke suves i päivlaskmas, Oktäbrin rajonanke pohjoižes i päivnouzmas.

Eläjad[redaktiruida | redaktiruida purde]

Vl 1939 lidnan ristitišt oli 81 tuhad eläjid. Vn 2010 Venäman rahvahanlugemižen mödhe eläjiden lugu oli 168 746 ristitud. Kaikiš suremb ristitišt oli 185..189 tuhad eläjid vll 1985−1999 (189 tuh. rist. vozil 1991 i 1994). Ortodoksižen hristanuskondan kaks' päjumalanpertid i kahesa jumalanpertid oma olmas lidnas.

Rahvahad (2010): venälaižed — 93,8%, ukrainalaižed — 1,7%, armenijalaižed — 1,6%, toižed rahvahad — 2,9%.

Professionaližen keskopendusen aluzkundad oma seičeme kolledžad, sidä kesken Novočerkasskan tegimištoližtehnologijoiden da ohjandusen kolledž[1], tehnikum-internat, Suvorovan škol i kadetkorpus. Üläopendusen aluzkundoiden kaks' filialad ratas lidnas.

Homaičendad[redaktiruida | redaktiruida purde]

  1. Novočerkasskan tegimištoližtehnologijoiden da ohjandusen kolledžan sait (nkptiu.ru). (ven.)

Irdkosketused[redaktiruida | redaktiruida purde]



Rostovan agjan lidnad
Aksai | Azov | Bataisk | Cimlänsk | Doneck | Gukovo | Kamensk Šahtil | Konstantinovsk | Millerovo | Morozovsk | Novočerkassk | Novošahtinsk | Proletarsk | Rostov Donal | Rusked Sulin | Sal'sk | Semikarakorsk | Šahti | Zernograd | Zverevo | Taganrog | Vauged Kalitv | Volgodonsk