Doneck (Venäma)

Doneck
Донецк

Lidnanznam	Flag
Valdkund	Venäma
Eläjiden lugu (2021)	46,623 ristitud
Pind	112 km²
Pämez'	Jurii Tarasenko (sügüz'ku 2015—)
Telefonkod	+7−86 368-xx-xxx
Avtokod	61, 161
Aigvö	UTC+3 (MSK+0)

Sil sanal voib olda toižid znamoičendoid; miše nähta niid, tulgat tänna.

Doneck (ven.: Доне́цк) om Venäman lidn da lidnümbrik Rostovan agjan päivlaskmas-lodehes.

Istorii

Eländpunktan aluz om pandud vl 1681 kuti Gundorovskai-stanic (ven.: станица Гундоровская). Nevondkundaližen aigan se šingotihe kivihilen samižel. Stanic oli okkupiruidud nacistižen Germanijan sodavägil (heinku 1942 — 15.02.1943) Toižen mail'man sodan aigan. Kätihe radnikžiloks vn 1945 tal'vkus. Se sai lidnan statusad vl 1951 Gundorovk-nimitusenke (ven. Гундоровка). Udesnimitihe nügüdläižikš vn 1955 30. päiväl kezakud. Mülütihe lidnanvuittušt Gundorovskii-žilod lidnha vl 2004.

Doneck šingotase tekstil'fabrikal i sauvondmaterialiden pästandal (savič). Venäman röunpäličmänendtaho Ukrainan röunanno. Kivihilen samine da ümbriradmine tuli lophu vl 2010, ekskavatortegim ei ole rados.

Geografijan andmused

Lidnan sijaduz agjas vn 2010 kartal

Lidn sijadase Severskii Donc-jogen oiktal randal, 120 m ü.m.t. keskmäižel korktusel.

Röunatab Ukrainan Luganskan agjanke päivlaskmas, lodehes i suves. Om ümbärtud Kamenskan agjan territorijal toižiš sijiš. Matkad Rostovhasai Donal om 145 km suvhe orhal vai 167 km avtotel. Lähembaižed lidnad oma Kamensk Šahtil vižtoštkümnes kilometras päivnouzmha orhal vai 25 km avtotedme, i Sorokine (Ukrain) 15 km päivlaskmha orhal vai 23 km avtotedme.

Tobmuz

Doneck om lidnümbrikon üks'jäižeks eländpunktaks.

Eläjad

Vl 1959 lidnan ristitišt oli 42 369 eläjad. Vn 2010 Venäman rahvahanlugemižen mödhe lidnan eläjiden lugu oli 50 098 ristitud, vn 2021 — 46 623 ristitud. Kaik 48 428 eläjad oli lidnas vl 2017. Kaikiš suremb lidnan ristitišt oli 52 100 eläjad vl 2005.

Rahvahad (ozutadud rahvahudenke vl 2010): venälaižed — 93,9 %, ukrainalaižed — 3,3 %, toižed rahvahad — 2,8 %.

Ortodoksižen hristanuskondan kaks' pühäpertid oma avaitud lidnas.

Openduz

Lapsiden opendusen aluzkundad oma päivkodid, keskškolad.

Doneckan tegimištoliž-gumanitarine tehnikum om lidnan professionaližen opendusen aluzkundaks.

Galerei

• 
  Lidnan tobmuden sauvuz (2018)
• 
  Jumalanmaman Valdkundan jumalaižen pühäpert' (2016)
• 
  Doneckan akvapark (2013)
• 
  Kaivajiden kul'turkeskuz (vn 2018 heinkun olend)

Irdkosketused

• Lidnan tobmuden aluzkundoiden sait (donetsk-ro.donland.ru) (ven.)