Bataisk

Bataisk
Батайск

Lidnanznam	Flag
Valdkund	Venäma
Eläjiden lugu (2024)	124,987 ristitud
Pind	77,68 km²
Pämez'	Igor' Lübčenko (reduku 2019—)
Telefonkod	+7−86 354-xx-xxx
Avtokod	61, 161
Aigvö	UTC+3 (MSK+0)

Bataisk (ven.: Бата́йск) om Venäman lidn, lidnümbrik da raudtesol'm Rostovan agjan suvipäivlaskmas. Se om Rostovan Donal suvine ezilidn, agjan kudenz' lidn eläjiden lugun mödhe.

Istorii

Eländpunktan aluz om pandud vl 1769 kuti Bataiskai-slabad (ven.: Батайская слобода). Ba-tai-su kändase türkižiš kelišpäi kuti «neps alangišt ojanke». Raudtestancii radaškanzi jonol Vladikavkazhasai vl 1875. Oli Bataiskan rajonan (1924−1938) keskuseks. Kätihe radnikžiloks vl 1925. Žilo sai lidnan statusad vn 1938 25. päiväl kül'mkud. Lidn oli okkupiruidud nacistižen Germanijan sodavägil (27.07.1942 — 07.02.1943). Mülütihe Koisug-žilod lidnha vl 1959.

Bataisk šingotase sauvondmaterialiden (raudbeton) i sauvondtegesiden (metalližkonstrukcijad, mülütimed) pästandal, transportižel mašinansauvomižel (avtoližavedamad, avtolibutimed, avialadimiden tegim, avtoveimiden edheotand), sömtegimištol.

Geografijan andmused

Bataiskan sijaduz agjas vn 2010 kartal

Lidn sijadase Donan hural randpolel, 5..7 m ü.m.t. keskmäižel korktusel. Pen' Koisug-jogi (ven.: Малый Койсуг, lankteb Donha ani lidnan taga) om lidnan lodehližeks röunaks, Azovan järgenduzkanal läbitab lidnan palad suves.

Bataisk röunatab Rostovan Donal Kirovan rajonanke pohjoižes. Toižed lähembaižed lidnad oma Azov kaks'kümne viž kilometrad päivlaskmha orhal, 32 km avtotedme vai raudtedme, i Aksai 17 km pohjoižpäivnouzmha orhal, 24 km avtotedme vai raudtedme. Bataisk-raudtestancii radab lidnan keskuzpalas-suves. «Rostov Donal — Krasnodar»-avtotekeskust om lidnan päivnouzmaižeks röunaks.

Tobmuz

Bataisk om lidnümbrikon üks'jäižeks eländpunktaks. Röunatab Aksain rajonanke päivnouzmas, Azovan rajonanke päivlaskmas.

Eläjad

Vl 1939 lidnan ristitišt oli 48 tuhad eläjid. Vn 2010 Venäman rahvahanlugemižen mödhe lidnan eläjiden lugu oli 111 843 ristitud, vn 2021 — 126 988 ristitud. Kaik 124 705 eläjad oli lidnas vl 2017. Kaikiš suremb lidnan ristitišt oli 127 919 eläjad vl 2020.

Rahvahad (ozutadud rahvahudenke vl 2010): venälaižed — 90,6 %, armenijalaižed — 2,5 %, ukrainalaižed — 1,5 %, korejalaižed — 1,4 %, toižed rahvahad — 4,0 %.

Ortodoksižen hristanuskondan kuz' pühäpertid oma saudud lidnas. Om hristanuskondan toižid jumalanpertid i loičendpertid.

Openduz

Lapsiden opendusen aluzkundad oma päivkodid, keskškolad.

Professionaližen opendusen aluzkundad oma Bataiskan informacižtehnologijoiden da radioelektronikan tehnikum i Bataiskan raudtetransportan da sauvondan tehnikum.

Galerei

• 
  Lidnan tobmuden pert' (2013)
• 
  Eläban Eziauguižen Stroican jumalanpert' (ortodoksine hristanuskond), vn 2013 nägu
• 
  Sauvondsegoitusiden tegim vl 2010
• 
  Kul'turkeskuz vn 2012 tal'vkus
• 
  Torg Bataisk-päraudtestancijanno vl 2018

Irdkosketused

• Lidnan Duman oficialine sait (батайскаядума.рф). (ven.)
• Lidnan Administracijan oficialine sait (батайск-официальный.рф). (ven.)