Aksai (Rostovan agj)

Aksai
Аксай
Lidnanznam;	Flag;
Valdkund	Venäma
Eläjiden lugu (2021)	48,372 ristitud
Pind	67,5 km²
Pämez'	Aleksandr Ščerbačenko; (sügüz'ku 2016—)
Telefonkod	+7−86 350-xx-xxx
Avtokod	61, 161
Aigvö	UTC+3 (MSK+0)

Aksai (ven.: Акса́й «vauged valu» vai «vauvaz van» türkižiš kelišpäi) om Venäman lidn da lidnankund Rostovan agjan suvipäivlaskmas. Se om Rostovan Donal päivnouzmaine ezilidn, om Aksain rajonan administrativižeks keskuseks (vspäi 1936) da palaks.

Istorii

Ezmäižed eländpunktad mainitasoiš lidnan territorijal vl 1570. Nügüdläižen eländpunktan aluz om pandud vl 1742 kuti kozakoiden Ust'-Aksaiskii stan (lidnut). Vspäi 1797 oli Ust'-Aksaiskai-stanic (ven.: станица Усть-Аксайская). Möhemba Ust'-sana läksi nimitusespäi. Aksaiskai-stanic sai lidnan statusad vn 1957 23. päiväl tal'vkud.

Aksai šingotase mašinansauvomižel (maižanduzmašinoiden palad), laivoiden kohendusel da sauvomižel^[1], sauvondmaterialiden pästandal (savič, beton, stökoltegesed).

Geografijan andmused

Lidn sijadase rajonan keskuzpalan päivlaskmas, Donan Aksai-hijaman oiktal korktal randal, 80 m ü.m.t. keskmäižel korktusel.

Aksai röunatab Rostovanke Donal päivlaskmas, keskust lidnoiden počtamtoiden keskes om kaks'toštkümne kilometrad. Toižed lähembaižed lidnad oma Novočerkassk 24 km pohjoižpäivnouzmha-pohjoižhe orhal, 26 km avtotedme vai raudtedme, i Bataisk 17 km suvipäivlaskmha orhal, 24 km avtotedme vai raudtedme. Aksai-raudtestancii radab lidnas. «Don»-manten (M4-trass) «Šahti — Bataisk»-avtotekeskust om lidnan päivlaskmaižeks röunaks.

Aksai om lidnümbrikon üks'jäižeks eländpunktaks.

Eläjad

Vl 1939 lidnan ristitišt oli 9 800 eläjad. Vn 2010 Venäman rahvahanlugemižen mödhe eläjiden lugu oli 41 969 ristitud, rajonan kaks' videndest, vn 2021 — 48 372 ristitud. Kaikiš suremb lidnan ristitišt om nügüd'.

Rahvahad (ozutadud rahvahudenke vl 2002): venälaižed — 89,8 %, ukrainalaižed — 3,0 %, armenijalaižed — 2,5 %, azerbaidžanlaižed — 1,6 %, toižed rahvahad — 3,1 %.

Ortodoksižen hristanuskondan kaks' pühäpertid om saudud lidnas.

Openduz

Lapsiden opendusen aluzkundad oma päivkodid, keskškolad.

Professionaližen opendusen aluzkund om Aksain tehnologine tehnikum^[2]. Äi toižid lähembaižid aluzkundoid ratas Rostovas Donal.

Homaičendad

↑ Laivansauvomižen «Midel'»-tegimel sait (midel.ru). (ven.) (kit.) (angl.)
↑ Aksain tehnologižen tehnikuman sait (att-aksay.ru). (ven.)

Irdkosketused

Lidnankundan tobmuden aluzkundoiden sait (gorod-aksay.ru). (ven.) (+ avtomatine känduz anglijan i saksan kelihe)

Aksai (Rostovan agj) Vikiaitas

	Rostovan agjan lidnad
	Aksai \| Azov \| Bataisk \| Cimlänsk \| Doneck \| Gukovo \| Kamensk Šahtil \| Konstantinovsk \| Millerovo \| Morozovsk \| Novočerkassk \| Novošahtinsk \| Proletarsk \| Rostov Donal \| Rusked Sulin \| Sal'sk \| Semikarakorsk \| Šahti \| Zernograd \| Zverevo \| Taganrog \| Vauged Kalitv \| Volgodonsk

[1] Laivansauvomižen «Midel'»-tegimel sait (midel.ru). (ven.) (kit.) (angl.)

[2] Aksain tehnologižen tehnikuman sait (att-aksay.ru). (ven.)

[1]

[2]