Gukovo

Vikipedii
Mine navigeerimisribale Mine otsikasti
Gukovo
Гуково
 Lidnanznam
Gukovo gerb.gif
 Flag
Flag of Gukovo (Rostov oblast).png
Valdkund Venäma
Eläjiden lugu (2019) 63 771 ristitud
Pind 40 km²
Gukovo Гуково
Pämez' Boris Trofimov
(kül'mku 2 014—)
Telefonkod +7-86 361-xx-xxx
Avtokod 61, 161
Aigvö UTC+3 (MSK+0)


Gukovo (ven.: Гу́ково) om Venäman lidn da lidnümbrik Rostovan agjan päivlaskmas.

Istorii[redaktiruida | redaktiruida purde]

Eländpunktan aluz om pandud vl 1802 kuti Gukov-kozakan futor. Oficialižen alusenpanendan voz' om 1878, konz saudihe Kovalevo-stancijad žilos udel Doneckan kivihil'raudtel. Udesnimitihe stancijad Gukovoks vl 1904. Kätihe radnikžiloks vl 1939. Gukovo oli okkupiruidud nacistoil (heinku 1942 — 14.02.1943) Toižen mail'man sodan aigan. Radnikžilo sai lidnan statusad vn 1955 30. päiväl kezakud. Šingotihe kivihilen samižel pit'kan aigan, sen edheotand eläb bankrotnendan proceduras läbi (2017).

Gukovo šingotase sömtegimišton i kebnan tegimišton edheotandoil, mašinansauvomižel tegimel i sauvondmaterialiden pästandal (savič). Venäman muit radab lidnas, röunpäličmänendtahod raudtel i avtotel. Kivihilen samižen muzei, krossavtorallin trass lidnanno.

Geografijan andmused[redaktiruida | redaktiruida purde]

Lidn sijadase 250 m ü.m.t. keskmäižel korktusel, röunatab Ukrainan Luganskan agjanke päivlaskmas. Om ümbärtud Rusttan Sulinan rajonan territorijal toižiš sijiš. Matkad Rostovhasai Donal om 94 km suvhe orhal, 111 km avtotel vai raudtel. Lähembaižed lidnad oma Zverevo 5 km päivnouzmha orhal, avtotedme vai raudtedme, Rusked Sulin 15 km suvipäivnouzmha orhal, avtotedme vai raudtedme, Novošahtinsk 25 km suvhe orhal, 30 km avtotedme vai raudtedme, i Dovžansk (Ukrain) 20 km päivlaskmha orhal, avtotedme vai raudtedme.

Gukovo om lidnümbrikon üks'jäine eländpunkt. Se kogoneb kudes ühtenzoittud kaivuzžilospäi.

Eläjad[redaktiruida | redaktiruida purde]

Vl 1939 žilon ristitišt oli 8 800 eläjad. Vn 2010 Venäman rahvahanlugemižen mödhe eläjiden lugu oli 67 278 ristitud. Kaikiš suremb lidnan ristitišt oli 72 tuhad eläjad vll 1986−1987.

Rahvahad (2010): venälaižed — 93,3%, armenijalaižed — 3,0%, ukrainalaižed — 1,0%, toižed rahvahad — 2,7%.

Professionaližen opendusen aluzkundad oma Gukovon sauvondtehnikum[1], mugažo Šahtin regionaližen poltusen da energetikan kolledžan filial i Gukovon ekonomikan da oiktusen institut — Rostovan valdkundaližen ekonomižen universitetan filial oma avaitud lidnas.

Galerei[redaktiruida | redaktiruida purde]

Homaičendad[redaktiruida | redaktiruida purde]

  1. Gukovon sauvondtehnikuman sait (gst-gukovo.ru). (ven.)

Irdkosketused[redaktiruida | redaktiruida purde]



Rostovan agjan lidnad
Aksai | Azov | Bataisk | Cimlänsk | Doneck | Gukovo | Kamensk Šahtil | Konstantinovsk | Millerovo | Morozovsk | Novočerkassk | Novošahtinsk | Proletarsk | Rostov Donal | Rusked Sulin | Sal'sk | Semikarakorsk | Šahti | Zernograd | Zverevo | Taganrog | Vauged Kalitv | Volgodonsk